اقش قۇپيا قىزمەتىنىڭ قىزمەتكەرلەرى اق ءۇي ماڭىندا پرەزيدەنت دونالد ترامپتى ولتىرەمىن دەپ قورقىتقان ۆەنەسۋەلا ازاماتىن ۇستادى، دەپ حابارلايدى “ادىرنا” ءتىلشىسى.
Report دەرەگىنشە، كۇدىكتى اقش اۋماعىندا زاڭسىز جۇرگەن.
اقش ىشكى قاۋىپسىزدىك مينيسترلىگىنىڭ مالىمەتىنشە، وقيعا 5 قاراشا كۇنى كەشكە ۆاشينگتونداعى كونستيتۋتسيا داڭعىلىندا بولعان. قۇپيا قىزمەت وكىلدەرى كولىكتە وتىرعان ەر ادامنىڭ كۇماندى ارەكەتىن بايقاپ، تەكسەرۋگە جاقىنداعان.
وسى كەزدە ەر ادام ۆاشينگتونعا كەلىپ، اقش پرەزيدەنتىن ءولتىرۋدى ويلاعان. كولىكتى ءتىنتۋ بارىسىندا قۇقىق قورعاۋ ورگاندارى اتىس قارۋى مەن وق-دارىلەردى انىقتاعان.
رەسمي مالىمەتكە سايكەس، كۇدىكتى رونني يوردريكس گۋانيپا كرينوس 2024 جىلدىڭ ناۋرىزىندا تەحاس شتاتى ارقىلى اقش شەكاراسىن زاڭسىز كەسىپ وتكەن. كەيىن ونى شەكارا قىزمەتى ۇستاعان.
كۇدىكتى قولعا تۇسكەننەن كەيىن اقش يمميگراتسيا جانە كەدەندىك باقىلاۋ قىزمەتى ونى قاماۋدا ۇستاۋ تۋرالى ءوتىنىش جولداعان. قازىر ول اقش سوت پريستاۆتارى قىزمەتىنىڭ باقىلاۋىندا.
ايتا كەتەيىك، بيىل ساۋىردە دە دونالد ترامپقا قاستاندىق جاساۋ ارەكەتى بولعان.
