اقش پرەزيدەنتى دونالد ترامپ رەسەيگە قاتىستى اسكەري دايىندىق تۋرالى مالىمدەدى، دەپ حابارلايدى "ادىرنا" ۇلتتىق پورتالى Tengrinews-قا سىلتەپ.
1 تامىز كۇنى Newsmax ارناسىنا بەرگەن سۇحباتىندا رەسەيگە قاتىستى اسكەري دايىندىق تۋرالى مالىمدەمە جاسادى. ول رەسەيدىڭ قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆتىڭ يادرولىق قارۋعا قاتىستى مالىمدەمەلەرىن "اسا قاۋىپتى" دەپ باعالاپ، جاۋاپ رەتىندە ايماققا ەكى اتومدىق سۇڭگۋىر قايىق جىبەرۋگە بۇيرىق بەرگەنىن ايتتى.
"يادرولىق" دەگەن ءسوزدى ەستىگەندە مەنىڭ كوزىم جاينايدى. بۇل – ەڭ ۇلكەن قاۋىپ. سوندىقتان اباي بولۋ كەرەك. مەن ەكى سۇڭگۋىر قايىقتى اتتاندىردىم. مەدۆەدەۆ ايتقان سوزدەر – تەك ءسوز ەكەنىن، شىندىققا اينالمايتىنىن تەكسەرگىم كەلدى", – دەدى ترامپ.
ءجۋرناليستىڭ ناقتىلاۋىنشا، سۇڭگۋىر قايىقتار رەسەيگە جاقىنداپ كەلە جاتىر ما دەگەن سۇراققا اقش پرەزيدەنتى:
ء"يا، ولار رەسەيگە جاقىنىراق ورنالاسقان", – دەپ جاۋاپ بەردى.
سول كۇنى ترامپ ءوزىنىڭ Truth Social پاراقشاسىندا دا وسىعان قاتىستى مالىمدەمە جاساپ، دميتري مەدۆەدەۆتىڭ "وتە ارانداتۋشىلىق" مالىمدەمەلەرىنە جاۋاپ رەتىندە بۇل شەشىمدى قابىلداعانىن، بۇل – امەريكالىقتاردىڭ قاۋىپسىزدىگىن قامتاماسىز ەتۋ جولىنداعى قادام ەكەنىن جازعان بولاتىن.
