AQŞ qūpiia qyzmetınıŋ qyzmetkerlerı Aq üi maŋynda prezident Donald Trampty öltıremın dep qorqytqan Venesuela azamatyn ūstady, dep habarlaidy “Adyrna” tılşısı.
Report deregınşe, küdıktı AQŞ aumaǧynda zaŋsyz jürgen.
AQŞ ışkı qauıpsızdık ministrlıgınıŋ mälımetınşe, oqiǧa 5 qaraşa künı keşke Vaşingtondaǧy Konstitusiia daŋǧylynda bolǧan. Qūpiia qyzmet ökılderı kölıkte otyrǧan er adamnyŋ kümändı äreketın baiqap, tekseruge jaqyndaǧan.
Osy kezde er adam Vaşingtonǧa kelıp, AQŞ prezidentın öltırudı oilaǧan. Kölıktı tıntu barysynda qūqyq qorǧau organdary atys qaruy men oq-därılerdı anyqtaǧan.
Resmi mälımetke säikes, küdıktı Ronni Iordriks Guanipa Krinos 2024 jyldyŋ nauryzynda Tehas ştaty arqyly AQŞ şekarasyn zaŋsyz kesıp ötken. Keiın ony şekara qyzmetı ūstaǧan.
Küdıktı qolǧa tüskennen keiın AQŞ immigrasiia jäne kedendık baqylau qyzmetı ony qamauda ūstau turaly ötınış joldaǧan. Qazır ol AQŞ sot pristavtary qyzmetınıŋ baqylauynda.
Aita keteiık, biyl säuırde de Donald Trampqa qastandyq jasau äreketı bolǧan.
