استانادا جەمىس-جيدەك پەن كوكونىس ساتۋمەن 12 جىلدان بەرى اينالىسىپ كەلە جاتقان كاسىپكەر نۇرگۇل ميدينقىزى كاسىبىنىڭ ەرەكشەلىكتەرى تۋرالى ايتىپ بەردى. كاسىپكەر بۇل سالاعا قالاي كەلگەنىن، ءونىمدى قايدان الاتىنىن جانە كليەنتتەرمەن جۇمىس ىستەۋ تاسىلدەرىن “ادىرنا” پورتالىنىڭ YouTube ارناسىنا بەرگەن سۇحباتىندا ءبولىستى.
نۇرگۇل ميدينقىزىنىڭ ايتۋىنشا، دۇكەندە جەمىس-جيدەك پەن كوكونىستىڭ ءتۇر-ءتۇرى ساتىلادى. سۇرانىسقا يە ونىمدەردىڭ قاتارىندا ماۋسىمدىق جەمىستەر مەن كۇندەلىكتى تۇتىناتىن كوكونىستەر بار. كاسىپكەر تاۋاردىڭ ساپاسىنا جانە تۇتىنۋشىعا دۇرىس ءونىم تاڭداۋعا كومەكتەسۋگە ەرەكشە ءمان بەرەتىنىن اتاپ ءوتتى.
سۇحبات بارىسىندا كاسىپكەر اۆوكادو، قىزاناق پەن قياردى تاڭداۋدىڭ جولدارىن دا ءتۇسىندىردى. ونىڭ سوزىنشە، جەمىس پەن كوكونىستىڭ ساپاسىن سىرتقى تۇرىنە، ءپىسۋ دەڭگەيىنە جانە باسقا دا بەلگىلەرىنە قاراپ انىقتاۋعا بولادى.
نۇرگۇل ميدينقىزى جەمىس-جيدەكتىڭ ءبىر بولىگى شەتەلدەن جەتكىزىلەتىنىن ايتىپ، باعانىڭ قالىپتاسۋىنا ءونىمدى تاسىمالداۋ مەن باسقا دا شىعىنداردىڭ اسەر ەتەتىنىن ءتۇسىندىردى. سونىمەن قاتار كاسىپكەر بيزنەستە 12 جىل بويى تۇراقتى جۇمىس ىستەۋدىڭ باستى سەبەپتەرىنىڭ ءبىرى رەتىندە ەڭبەك پەن تۇتىنۋشى سەنىمىن اتادى.
كاسىپكەر سۇحبات بارىسىندا بيزنەس جۇرگىزۋدەگى قيىندىقتار تۋرالى دا اشىق ايتتى. اراسىندا قارىزعا تاۋار الىپ، كەيىن اقشاسىن تولەمەي كەتكەن كليەنتتەر بولعان. مامانداردى جۇمىسقا قابىلداۋدا جاۋاپكەرشىلىك پەن ادامدارمەن جاقسى قارىم-قاتىناس جاساي بىلۋگە ءمان بەرەتىنىن جەتكىزدى. ونىڭ ايتۋىنشا، دۇكەندە تۇتىنۋشىعا ساپالى ونىممەن قاتار، «جاقسى كوڭىل كۇي» دە سىيلاۋ ماڭىزدى.
سۇحباتتا نۇرگۇل ميدينقىزىنىڭ الماتىدان استاناعا كوشىپ كەلگەنى، بالالارىن ەڭبەككە باۋلۋ ماسەلەسى جانە كاسىپتى الداعى جىلدارى دامىتۋ جوسپارى دا ءسوز بولدى. ول جەمىس-جيدەك پەن كوكونىس ساۋداسىمەن اينالىساتىن كاسىپكەرلەرگە قولداۋ مەن جەڭىلدىكتەر قاجەت ەكەنىن اتاپ ءوتتى.
كاسىپكەر جاستارعا دا ءوز ءىسىن باستاۋعا قورىقپاي، ەڭبەك ەتۋگە جانە تاجىريبە جيناۋعا كەڭەس بەردى.
سۇحباتتىڭ تولىق نۇسقاسىن “ادىرنا” پورتالىنىڭ YouTube ارناسىنان كورۋگە بولادى.
