فوتو: olympic.kz
قازاقستاندىق جەڭىل اتلەت ياسمينا توقسانباەۆا جاپونيانىڭ ايچي جانە ناگويا قالالارىندا ءوتىپ جاتقان 2026 جىلعى ازيا ويىندارىندا التىن مەدال جەڭىپ الدى، دەپ حابارلايدى "ادىرنا".
سپورتشى سپورتتىق جۇرىستەن مارافون قاشىقتىعىندا باق سىناپ، جارىستى ءبىرىنشى بولىپ اياقتادى. توقسانباەۆا 3 ساعات 22 مينۋت 20 سەكۋند ناتيجە كورسەتىپ، ازيا ويىندارىنىڭ چەمپيونى اتاندى.
ەكىنشى ورىن قىتاي سپورتشىسى دانتسزەن تسيۋيتسزۋنعا بۇيىردى. ول قاشىقتىقتى 3 ساعات 26 مينۋت 09 سەكۋندتا ءجۇرىپ ءوتتى. تاعى ءبىر قىتايلىق ما لي 3 ساعات 32 مينۋت 26 سەكۋند ناتيجەسىمەن قولا جۇلدەگە يە بولدى.
وسىلايشا، ياسمينا توقسانباەۆانىڭ التىنى قازاقستان قۇراماسىنىڭ ازيادا-2026 ويىندارىنداعى توعىزىنشى التىن مەدالى بولدى.
ەرلەر اراسىنداعى جارىستا قازاقستان اتىنان سىنعا تۇسكەن گەورگي شەيكو مارەگە التىنشى بولىپ جەتتى.
