214 جوبا جۇزەگە اسىرىلىپ، الەۋمەتتىك باستامالارعا 100 ميلليارد تەڭگەدەن استام قارجى باعىتتالدى. مۇقتاج جاندارعا 1 400-دەن اسا باسپاناتابىستالدى. ءبىلىم بەرۋ باعدارلامالارى جۇزەگە اسىرىلىپ، سپورتتى دامىتۋعا، ورمان القاپتارىن قالپىنا كەلتىرۋگە جانە ەل باسىنا كۇن تۋعان ساتتەردە كومەك كورسەتۋگە باعىتتالعان اۋقىمدى جۇمىستار اتقارىلدى.
Halyk قايىرىمدىلىق قورى اۋقىمدى ناتيجەلەرءىن ايتىپ، ون جىلدىق بەلەسىن قورىتىندىلادى.
مەرەيتوي كەشءى الماتىداعى اباي اتىنداعى قازاق ۇلتتىق وپەرا جانە بالەت تەاترىندا ءوتتى. وعان قوعام قايراتكەرلەرى، مەملەكەتتىك ورگانداردىڭ وكىلدەرى، قوردىڭ كوپ جىلدان بەرگى سەرىكتەستەرى، ەرىكتىلەر جانە ءار جىلدارى قور قولداۋىنا يە بولعان ازاماتتار قاتىستى.
ون جىلدىق مەرەيتوي ۇيىم تاريحىنداعى جاڭا كەزەڭنىڭ باستالۋىنا دا جول اشتى. دينارا قۇلىباەۆانىڭ باستاماسىمەن قور ونىڭ كۇيەۋى تيمۋر قۇلىباەۆتىڭ ەسىمىمەن اتالدى.
دينارا قۇلىباەۆا بۇل شەشىمدى تۇسىندىرە وتىرىپ،تيمۋر قۇلىباەۆتىڭ قايىرىمدىلىقتى دامىتۋعا جانە ونىڭ جۇيەلى ءتاسىلىن قالىپتاستىرۋعا قوسقان جەكە ءارى ستراتەگيالىق ۇلەسىن اتاپ ءوتتى.
«قايىرىمدىلىقتى جۇرەك قالاۋىمەن جاساپ، ەلگە قولداۋ كورسەتۋدىڭ جارقىن ۇلگىسىن جولداسىم تيمۋر اسقارۇلى قۇلىباەۆتان كورىپ كەلەمىن. ول ءۇشىن ادامدارعا كومەك بەرۋ – ازاماتتىق ۇستانىم ءارى قوعام الدىنداعى جاۋاپكەرشىلىك»، – دەدى دينارا قۇلىباەۆا.
ونىڭ ايتۋىنشا، وسى جىلدار ىشىندە تيمۋر قۇلىباەۆ قوردىڭ ستراتەگيالىق ماقساتتارىن ايقىنداۋعا جانە قايىرىمدىلىقتىڭ جاڭا مادەنيەتىن قالىپتاستىرۋعا اتسالىستى. بۇعان بايلانىستى ول قوردى تيمۋر قۇلىباەۆتىڭ ەسىمىمەن اتاۋدى ۇسىنعان. بۇل – ونىڭ جەكە ەڭبەگىنە كورسەتىلگەن قۇرمەت ءارى قور قىزمەتىنىڭ نەگىزىنە اينالعان قۇندىلىقتاردىڭ ساباقتاستىعىن بىلدىرەتىن بەلگى.
سونىمەن قاتار, جاڭا اتاۋدا Halyk برەندى ساقتالدى. بۇل اتاۋ جۇيەلى قايىرىمدىلىق پەن الەۋمەتتىك باستامالاردىڭ كوپ جىلعى تاريحىمەن تىعىز بايلانىستى. قور ءوز قىزمەتىن «تيمۋر قۇلىباەۆ اتىنداعى Halyk قايىرىمدىلىق قورى» اتاۋىمەن جالعاستىرادى.
ءبىلىم بەرۋدەن جۇيەلى قايىرىمدىلىققا دەيىنگى جول
بۇل باعىتتاعى جۇمىستىڭ تاريحى Halyk قورى قۇرىلعانعا دەيىن باستالعان.
1998 جىلى دينارا قۇلىباەۆا NNEF ءبىلىم بەرۋ قورىن قۇردى. قوردىڭ نەگىزگى ماقساتى – حالىقارالىق تاجىريبە مەن قازاقستاندىق مازمۇندى ۇشتاستىراتىن جاڭا ءبىلىم بەرۋ مودەلىن دامىتۋ بولدى.
كەيىنگى جىلدارى تۇتاس ءبىلىم بەرۋ ەكوجۇيەسى قالىپتاستى. قوردىڭ قولداۋىمەن «ميراس» حالىقارالىق مەكتەپتەرى مەن بالاباقشالارى اشىلىپ، «ارىستان» ليتسەيى الەۋمەتتىك جوباسى جۇزەگە اسىرىلدى. سونداي-اق, قبتۋ، حاتۋ, AITU, اەجبۋ جانە UIB جوعارى وقۋ ورىندارى دامىتىلدى. ءبىلىم بەرۋ ەكوجۇيەسىن قولداۋعا 260 ملن اقش دوللارىنان اسا قارجى سالىندى.
2016 جىلى الەۋمەتتىك جاۋاپكەرشىلىك پەن مەتسەناتتىق قىزمەتتىڭ اياسىن كەڭەيتۋ ماقساتىندا Halyk قايىرىمدىلىق قورى قۇرىلدى.
وسىلايشا بىلىمگە سالىنعان ينۆەستيتسيادان باستاۋ العان جۇمىس ءبىلىم بەرۋ، دەنساۋلىق ساقتاۋ، سپورت، ەكولوگيا، الەۋمەتتىك قولداۋ جانە وڭىرلەردى دامىتۋ باعىتتارىن قامتيتىن جۇيەلى قايىرىمدىلىق ۇلگىسىنە ۇلاستى.
ەل باسىنا كۇن تۋعان ساتتەردەگى كومەك
قور قىزمەتىنىڭ نەگىزگى باعىتتارىنىڭ ءبىرى – توتەنشە جاعداي كەزىندە ادامدار مەن وڭىرلەرگە قولداۋ كورسەتۋ.
قۇلسارىداعى سۋ تاسقىنىنان زارداپ شەككەن 1 000 وتباسى باسپانالى بولدى. ولارعا ءۇي الىپ بەرۋگە قۇرىلتايشىلار قور ارقىلى 31,4 ميلليارد تەڭگەدەن اساقارجى باعىتتادى. ارىس قالاسىنداعى قايعىلى وقيعادان كەيىن قور ي. جۋربا اتىنداعى بالاباقشا مەن مەكتەپتى قالپىنا كەلتىردى. پاندەميا كەزىندە قازاقستاندىقتارعا 2,5 ميلليارد تەڭگەدەن اسا قارجىعا 110 مىڭ ازىق-تۇلىك سەبەتى تاراتىلدى. ال مەديتسينالىق ۇيىمدارعا كورسەتىلگەن كومەكتىڭ كولەمى 4 ميلليارد تەڭگەدەن استى.
قور ەل وڭىرلەرىندە تۇرعىن ءۇي سالۋ، الەۋمەتتىك جانە سپورت ينفراقۇرىلىمىن دامىتۋ سەكىلدى ۇزاق مەرزىمدى ينفراقۇرىلىمدىق جانە الەۋمەتتىك جوبالاردى دا جۇزەگە اسىرىپ كەلەدى.
ۇزاق مەرزىمدى جوبالار
قور جۇمىسىنىڭ ەلەۋلى بولىگى – جۇيەلى ناتيجەگە باعىتتالعان جانە ۇزاق مەرزىمگە ەسەپتەلگەن باعدارلامالار.
AUYL SPORT جوباسى اۋىلدىق جەرلەردەگى بالالاردىڭ سپورتپەن اينالىسىپ، سپورتتىڭ سەگىز تۇرىنەن وبلىستىق جانە رەسپۋبليكالىق جارىستارعا قاتىسۋىنا مۇمكىندىك بەرەدى.
«تالىمگەر» جوباسى وقۋشىلار مەن ستۋدەنتتەرگە كاسىپكەرلىك، بيزنەس جانە قارجىلاي ساۋاتتىلىق باعىتىندا ءبىلىم الۋعا كومەكتەسەدى.
«Halyk ورمانى» ەكولوگيالىق جوباسى قازاقستاننىڭ ءتۇرلى وڭىرلەرىندە 9 ملن-نان استام اعاش وتىرعىزۋدى كوزدەيدى.
جەكە باعىتتىڭ ءبىرى – ءبىلىم بەرۋ گرانتتارى. قور العاشقى ون جىل ىشىندە دارىندى بالالاردى قولداۋعا 2,6 ملرد تەڭگەدەن استام قارجى ءبولدى. ونىڭ ىشىندە الماتى مەن استاناداعى «ميراس» مەكتەپتەرىنىڭ حالىقارالىق باعدارلامالارى بويىنشا ءبىلىم الۋعا مۇمكىندىك بەرەتىن گرانتتار دا بار.
قايىرىمدىلىق – ورتاق ىسكە اتسالىسۋ مادەنيەتى
ون جىل ىشىندە قور اينالاسىنا سەرىكتەستەردى، ەرىكتىلەردى جانە وزگەگە قولداۋ كورسەتۋدى سانالى تۇردە ومىرلىك ۇستانىمىنا اينالدىرعان ازاماتتاردى بىرىكتىرگەن ورتا قالىپتاستى.
بۇگىندە «Halyk ورمانى» جوباسىن قولداۋعا 25 مىڭنان استام قازاقستاندىق ءوز قاراجاتىن باعىتتاپ وتىر.
«وسىلايشا قايىرىمدىلىقتىڭ جاڭا مادەنيەتى – سەنىمگە، ورتاق ىسكە اتسالىسۋعا جانە قوعامنىڭ بولاشاعىنا دەگەن جەكە جاۋاپكەرشىلىككە نەگىزدەلگەن مادەنيەت قالىپتاسادى»، – دەپ اتاپ ءوتتى دينارا قۇلىباەۆا.
الداعى ونجىلدىق
قوردىڭ العاشقى ون جىلدىعى جۇيەلى جۇمىستىڭ نەگىزى قالانعان كەزەڭ بولدى. داعدارىس جاعدايلارىندا جەدەل كومەك كورسەتۋدەن باستاپ، ءبىلىم بەرۋ، الەۋمەتتىك سالا، سپورت، ەكولوگيا جانە وڭىرلەردى دامىتۋ باعىتتارىندا ۇزاق مەرزىمدى ناتيجەگە باعىتتالعان جوبالار جۇزەگە اسىرىلدى.
2026 جىلى قور قۇندىلىقتار ساباقتاستىعىن، قالىپتاسقان كومانداسىن جانە قايىرىمدىلىققا دەگەن جۇيەلى كوزقاراسىن ساقتاي وتىرىپ، جاڭا اتاۋمەن – تيمۋر قۇلىباەۆ اتىنداعى Halyk قايىرىمدىلىق قورى رەتىندە كەلەسى ونجىلدىعىنا قادام باسادى.
قور ۇزاق مەرزىمدى وزگەرىستەرگە جول اشىپ، ادامدارعا جاڭا مۇمكىندىكتەر ۇسىناتىن جوبالاردى ودان ءارى دامىتۋدى جالعاستىرادى. سونداي-اق, جاۋاپتى ءارى جۇيەلى قايىرىمدىلىق مادەنيەتىن قولدايتىن بارلىق ازامات پەن ۇيىممەن سەرىكتەستىك ورناتۋعا اشىق.
حالىقتىڭ سەنىمى مەن قولداۋى
قوردىڭ قىزمەتى ۇلتتىق دەڭگەيدە دە، حالىقارالىق دەڭگەيدە دە جوعارى باعالاندى. بىرىككەن ۇلتتار ۇيىمى Halyk-ءتىڭ الەۋمەتتىك ماڭىزى بار باستامالاردى جۇزەگە اسىرۋعا، ادامي الەۋەتتى دامىتۋعا، حالىقتىڭ وسال توپتارىن قولداۋعا جانە تۇراقتى دامۋ ماقساتتارىن ىلگەرىلەتۋگە قوسقان ۇلەسىن اتاپ ءوتتى.
Halyk قورىنىڭ الەۋمەتتىك جانە ەكولوگيالىق باستامالارى بۇۇ قۇرىلىمدارىمەن ارىپتەستىك اياسىندا دا جالعاسىن تاپتى. اتاپ ايتقاندا، قازاقستانداعى بۇۇ تۇراقتى ۇيلەستىرۋشىسىنىڭ كەڭسەسى جانە بۇۇ قورشاعان ورتا جونىندەگى باعدارلاماسى (يۋنەپ) Halyk-پەن ەكولوگيالىق جاۋاپكەرشىلىك باعىتىندا بىرلەسكەن باستامالاردى جۇزەگە اسىردى.
2024 جىلى اۋقىمدى سۋ تاسقىنى كەزىندە زارداپ شەككەندەرگە كورسەتىلگەن كومەك مەملەكەت تاراپىنان دا جوعارى باعالاندى. اپات ايماعىندا قالعان قازاقستاندىقتاردى قولداۋعا قوسقان ۇلەسى ءۇشىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ تيمۋر قۇلىباەۆقا جەكە العىسىن ءبىلدىردى.
