214 joba jüzege asyrylyp, äleumettık bastamalarǧa 100 milliard teŋgeden astam qarjy baǧyttaldy. Mūqtaj jandarǧa 1 400-den asa baspanatabystaldy. Bılım beru baǧdarlamalary jüzege asyrylyp, sportty damytuǧa, orman alqaptaryn qalpyna keltıruge jäne el basyna kün tuǧan sätterde kömek körsetuge baǧyttalǧan auqymdy jūmystar atqaryldy.
Halyk qaiyrymdylyq qory auqymdy nätijelerın aityp, on jyldyq belesın qorytyndylady.
Mereitoi keşı Almatydaǧy Abai atyndaǧy Qazaq ūlttyq opera jäne balet teatrynda öttı. Oǧan qoǧam qairatkerlerı, memlekettık organdardyŋ ökılderı, qordyŋ köp jyldan bergı serıktesterı, erıktıler jäne är jyldary qor qoldauyna ie bolǧan azamattar qatysty.
On jyldyq mereitoi ūiym tarihyndaǧy jaŋa kezeŋnıŋ bastaluyna da jol aşty. Dinara Qūlybaevanyŋ bastamasymen qor onyŋ küieuı Timur Qūlybaevtyŋ esımımen ataldy.
Dinara Qūlybaeva būl şeşımdı tüsındıre otyryp,Timur Qūlybaevtyŋ qaiyrymdylyqty damytuǧa jäne onyŋ jüielı täsılın qalyptastyruǧa qosqan jeke ärı strategiialyq ülesın atap öttı.
«Qaiyrymdylyqty jürek qalauymen jasap, elge qoldau körsetudıŋ jarqyn ülgısın joldasym Timur Asqarūly Qūlybaevtan körıp kelemın. Ol üşın adamdarǧa kömek beru – azamattyq ūstanym ärı qoǧam aldyndaǧy jauapkerşılık», – dedı Dinara Qūlybaeva.
Onyŋ aituynşa, osy jyldar ışınde Timur Qūlybaev qordyŋ strategiialyq maqsattaryn aiqyndauǧa jäne qaiyrymdylyqtyŋ jaŋa mädenietın qalyptastyruǧa atsalysty. Būǧan bailanysty ol qordy Timur Qūlybaevtyŋ esımımen ataudy ūsynǧan. Būl – onyŋ jeke eŋbegıne körsetılgen qūrmet ärı qor qyzmetınıŋ negızıne ainalǧan qūndylyqtardyŋ sabaqtastyǧyn bıldıretın belgı.
Sonymen qatar, jaŋa atauda Halyk brendı saqtaldy. Būl atau jüielı qaiyrymdylyq pen äleumettık bastamalardyŋ köp jylǧy tarihymen tyǧyz bailanysty. Qor öz qyzmetın «Timur Qūlybaev atyndaǧy Halyk qaiyrymdylyq qory» atauymen jalǧastyrady.
Bılım beruden jüielı qaiyrymdylyqqa deiıngı jol
Būl baǧyttaǧy jūmystyŋ tarihy Halyk qory qūrylǧanǧa deiın bastalǧan.
1998 jyly Dinara Qūlybaeva NNEF bılım beru qoryn qūrdy. Qordyŋ negızgı maqsaty – halyqaralyq täjıribe men qazaqstandyq mazmūndy ūştastyratyn jaŋa bılım beru modelın damytu boldy.
Keiıngı jyldary tūtas bılım beru ekojüiesı qalyptasty. Qordyŋ qoldauymen «Miras» halyqaralyq mektepterı men balabaqşalary aşylyp, «Arystan» liseiı äleumettık jobasy jüzege asyryldy. Sondai-aq, QBTU, HATU, AITU, AEjBU jäne UIB joǧary oqu oryndary damytyldy. Bılım beru ekojüiesın qoldauǧa 260 mln AQŞ dollarynan asa qarjy salyndy.
2016 jyly äleumettık jauapkerşılık pen mesenattyq qyzmettıŋ aiasyn keŋeitu maqsatynda Halyk qaiyrymdylyq qory qūryldy.
Osylaişa bılımge salynǧan investisiiadan bastau alǧan jūmys bılım beru, densaulyq saqtau, sport, ekologiia, äleumettık qoldau jäne öŋırlerdı damytu baǧyttaryn qamtityn jüielı qaiyrymdylyq ülgısıne ūlasty.
El basyna kün tuǧan sätterdegı kömek
Qor qyzmetınıŋ negızgı baǧyttarynyŋ bırı – tötenşe jaǧdai kezınde adamdar men öŋırlerge qoldau körsetu.
Qūlsarydaǧy su tasqynynan zardap şekken 1 000 otbasy baspanaly boldy. Olarǧa üi alyp beruge qūryltaişylar qor arqyly 31,4 milliard teŋgeden asaqarjy baǧyttady. Arys qalasyndaǧy qaiǧyly oqiǧadan keiın qor İ. Jurba atyndaǧy balabaqşa men mekteptı qalpyna keltırdı. Pandemiia kezınde qazaqstandyqtarǧa 2,5 milliard teŋgeden asa qarjyǧa 110 myŋ azyq-tülık sebetı taratyldy. Al medisinalyq ūiymdarǧa körsetılgen kömektıŋ kölemı 4 milliard teŋgeden asty.
Qor el öŋırlerınde tūrǧyn üi salu, äleumettık jäne sport infraqūrylymyn damytu sekıldı ūzaq merzımdı infraqūrylymdyq jäne äleumettık jobalardy da jüzege asyryp keledı.
Ūzaq merzımdı jobalar
Qor jūmysynyŋ eleulı bölıgı – jüielı nätijege baǧyttalǧan jäne ūzaq merzımge eseptelgen baǧdarlamalar.
AUYL SPORT jobasy auyldyq jerlerdegı balalardyŋ sportpen ainalysyp, sporttyŋ segız türınen oblystyq jäne respublikalyq jarystarǧa qatysuyna mümkındık beredı.
«Tälımger» jobasy oquşylar men studentterge käsıpkerlık, biznes jäne qarjylai sauattylyq baǧytynda bılım aluǧa kömektesedı.
«Halyk Ormany» ekologiialyq jobasy Qazaqstannyŋ türlı öŋırlerınde 9 mln-nan astam aǧaş otyrǧyzudy közdeidı.
Jeke baǧyttyŋ bırı – bılım beru granttary. Qor alǧaşqy on jyl ışınde daryndy balalardy qoldauǧa 2,6 mlrd teŋgeden astam qarjy böldı. Onyŋ ışınde Almaty men Astanadaǧy «Miras» mektepterınıŋ halyqaralyq baǧdarlamalary boiynşa bılım aluǧa mümkındık beretın granttar da bar.
Qaiyrymdylyq – ortaq ıske atsalysu mädenietı
On jyl ışınde qor ainalasyna serıktesterdı, erıktılerdı jäne özgege qoldau körsetudı sanaly türde ömırlık ūstanymyna ainaldyrǧan azamattardy bırıktırgen orta qalyptasty.
Bügınde «Halyk Ormany» jobasyn qoldauǧa 25 myŋnan astam qazaqstandyq öz qarajatyn baǧyttap otyr.
«Osylaişa qaiyrymdylyqtyŋ jaŋa mädenietı – senımge, ortaq ıske atsalysuǧa jäne qoǧamnyŋ bolaşaǧyna degen jeke jauapkerşılıkke negızdelgen mädeniet qalyptasady», – dep atap öttı Dinara Qūlybaeva.
Aldaǧy onjyldyq
Qordyŋ alǧaşqy on jyldyǧy jüielı jūmystyŋ negızı qalanǧan kezeŋ boldy. Daǧdarys jaǧdailarynda jedel kömek körsetuden bastap, bılım beru, äleumettık sala, sport, ekologiia jäne öŋırlerdı damytu baǧyttarynda ūzaq merzımdı nätijege baǧyttalǧan jobalar jüzege asyryldy.
2026 jyly qor qūndylyqtar sabaqtastyǧyn, qalyptasqan komandasyn jäne qaiyrymdylyqqa degen jüielı közqarasyn saqtai otyryp, jaŋa ataumen – Timur Qūlybaev atyndaǧy Halyk qaiyrymdylyq qory retınde kelesı onjyldyǧyna qadam basady.
Qor ūzaq merzımdı özgerısterge jol aşyp, adamdarǧa jaŋa mümkındıkter ūsynatyn jobalardy odan ärı damytudy jalǧastyrady. Sondai-aq, jauapty ärı jüielı qaiyrymdylyq mädenietın qoldaityn barlyq azamat pen ūiymmen serıktestık ornatuǧa aşyq.
Halyqtyŋ senımı men qoldauy
Qordyŋ qyzmetı ūlttyq deŋgeide de, halyqaralyq deŋgeide de joǧary baǧalandy. Bırıkken Ūlttar Ūiymy Halyk-tıŋ äleumettık maŋyzy bar bastamalardy jüzege asyruǧa, adami äleuettı damytuǧa, halyqtyŋ osal toptaryn qoldauǧa jäne Tūraqty damu maqsattaryn ılgerıletuge qosqan ülesın atap öttı.
Halyk qorynyŋ äleumettık jäne ekologiialyq bastamalary BŪŪ qūrylymdarymen ärıptestık aiasynda da jalǧasyn tapty. Atap aitqanda, Qazaqstandaǧy BŪŪ Tūraqty üilestıruşısınıŋ keŋsesı jäne BŪŪ Qorşaǧan orta jönındegı baǧdarlamasy (IýNEP) Halyk-pen ekologiialyq jauapkerşılık baǧytynda bırlesken bastamalardy jüzege asyrdy.
2024 jyly auqymdy su tasqyny kezınde zardap şekkenderge körsetılgen kömek memleket tarapynan da joǧary baǧalandy. Apat aimaǧynda qalǧan qazaqstandyqtardy qoldauǧa qosqan ülesı üşın Qazaqstan Respublikasynyŋ Prezidentı Qasym-Jomart Toqaev Timur Qūlybaevqa jeke alǧysyn bıldırdı.
