Qazaqstannyŋ eks-prezidentı Nūrsūltan Nazarbaevtyŋ ortanşy qyzy Dinara Qūlybaeva men onyŋ küieuı, oligarh Timur Qūlybaevtyŋ otbasy Konstitusiialyq sot arqyly būryn memleketke qaitarylǧan Qazaqstan-Britan tehnikalyq universitetın (QBTU) qaitaryp almaqşy. Būl turaly QazTAG agenttıgı jariialady, dep habarlaidy “Adyrna”.
«Mūndai mäseleler boiynşa komissiia bolsa da şeşım tek sotta ǧana qabyldanady. Bügınde, menıŋ bıluımşe, bırınşı jäne ekınşı sot instansiialary aiaqtaldy. Degenmen, konstitusiialyq şaǧym qaldy. Sondyqtan, menıŋ tüsınuımşe, qazır qaraudy Konstitusiialyq Sot kütıp tūr, soŋǧy söz Joǧarǧy Sotta bolady. Bız tek onyŋ şeşımın küte alamyz. Men qazır eşteŋege tüsınıkteme bere almaimyn, öitkenı bärı zaŋ salasynda bolyp jatyr. Tergeu jürıp jatyr, bızdıŋ ministrlıktıŋ būl proseske eş qatysy joq. Osylaişa, sot şeşımın kütu kerek, sodan keiın ǧana bız onyŋ qalai jüzege asyrylatyny turaly tüsınıkteme bere alamyz», - dedı seisenbı künı ükımettıŋ brifingınde QBTU-dy memleketke qaitaru turaly söz söilegen ǧylym jäne joǧary bılım ministrı Saiasat Nūrbek.
Jurnalister naqtylap, “būl būrynǧy ielerınıŋ aldyŋǧy instansiialarda jeŋılgenın bıldıre me?” degen sūraq qoidy.
«Menıŋ bıluımşe, bırınşı instansiianyŋ şeşımı küşınde qaldyryldy, al ekınşı instansiianyŋ şeşımı boiynşa mülık memleketke qaitaryluy tiıs. Osydan baryp aqparat şyqty. Bıraq şaǧymdar bırneşe ret qaitalandy, būl bızdıŋ sot jüiemızdıŋ jūmysy turaly mäsele», - dedı Nūrbek.
Būǧan deiın Almatydaǧy QBTU-dyŋ iesı, jalǧyz qūryltaişysy bolǧan Dinara Qūlybaeva negızın qalaǧan “Nūrsūltan Nazarbaev bılım beru qory” bolatyn. 4 nauryzda ırı örtten keiın Qūlybaevtar otbasy QBTU-dy baqylaudy toqtatqan.
Esterıŋızge sala keteiık, Tötenşe jaǧdailar ministrlıgı 11 qaŋtar künı saǧat 22.00 şamasynda QBTU ǧimaratynda ört şyqqany turaly habarlaǧanymen, bastapqyda ört söndırılıp jatqan ǧimarattyŋ atyn atamai, nysandy «ǧimarattardyŋ bırı» dep atady. Keiın ört söndıruşıler örttı söndırude qiyndyqtar tuyndaǧanyn habarlady. Tıptı keiınırek Astananyŋ Almatydaǧy QBTU ǧimaratyndaǧy örttı söndıru üşın küşter men qūraldardy arttyrudy tapsyrǧany belgılı boldy. Ört tün ortasy şamasynda oqşaulanǧan.
