ىلە‑الاتاۋ ۇلتتىق پاركىندە «Halyk» قايىرىمدىلىق قورى مەن ەكولوگيا جانە تابيعي رەسۋرستار مينيسترلىگى بىرلەسە جۇزەگە اسىرىپ جاتقان «Halyk ورمانى» ەكولوگيالىق جوباسىنىڭ جاڭا كەزەڭى باستالدى.
تاۋدا اتقان تاڭ قاتىسۋشالاردى ەرەكشە قارسى الدى: مۇندا ىلعال توپىراق ءيىسى مۇڭكىپ، سامال جەل ەسەدى. كەشە عانا بوز جۋسان مەن قۋراعان ءشوپ باسقان باۋرايدا بۇگىندە شىرشا كوشەتتەرى ءتىزىلىپ تۇر. بۇل – ەلدىڭ ەرتەڭىنە دەگەن قامقورلىق پەن جاڭا ءومىردىڭ جارقىن جارشىسى.
يدەيادان باستالعان ورمان
جوبا تابيعي ەكوجۇيەلەردى قالپىنا كەلتىرۋگە جانە ەلىمىزدىڭ وڭىرلەرىندە جاڭا جاسىل ايماقتار قالىپتاستىرۋعا باعىتتالعان. ىسكە اسىرۋعا بەس جىلعا 1 ميلليارد تەڭگە بولىنگەن. بۇلكەزەڭ ىشىندە ەلدىڭ ءۇش وڭىرىندە – اباي وبلىسىندا، ىلە‑الاتاۋ ۇلتتىق پاركىندە جانە استاناداعى جاسىل بەلدەۋدە – 4 ميلليوننان اسا اعاش وتىرعىزۋ جوسپارلانعان. العاشقى كەزەڭ «سەمەي ورمانى» رەزەرۆاتىندا ءوتتى: ورتتەن كەيىن ول جەردە 800 مىڭنان اسا جاس قاراعاي قالپىنا كەلتىرىلدى. كەلەسى كەزەڭ – ىلە‑الاتاۋ: 5 گەكتار اۋماققا 14 مىڭ شىرشا ەگىلمەك.
ەكولوگيا – ناۋقان ەمەس، مادەنيەت
ەكولوگيا جانە تابيعي رەسۋرستار ۆيتسە‑ءمينيسترى نۇربەك شاربيەۆ تابيعاتتى قورعاۋ – ءبىر رەتتىك باستاما ەمەس، ءومىر ءسۇرۋ سالتى ەكەنىن اتاپ ءوتتى.
«تابيعاتقا جاناشىرلىق تانىتپايىنشا، ەكونوميكالىق ءوسىم دە ۇزاققا بارمايدى. «Halyk ورمانى» جانە وسىنداي جوبالار – ەكولوگيالىق مادەنيەتتى ءومىرىمىزدىڭ تابيعي بولىگىنە اينالدىرۋ جولىنداعى ماڭىزدى قادام».
بولاشاققا سالىنعان ينۆەستيتسيا
«Halyk» قورى قامقورشىلىق كەڭەسىنىڭ مۇشەسى داۋرەن سارتاەۆ جوبانىڭ ۇزاقمەرزىمدى قۇندىلىعىن ەرەكشە اتاپ ءوتتى.
ء«ار ەگىلگەن اعاش – قالانىڭ تىنىسىنا، تۇتىنۋدان گورى قامقورلىق جاساۋ ادەتىنە سالىنعان ينۆەستيتسيا. «Halyk ورمانى» – تابيعاتتى ايالاۋ مادەنيەتىن قالىپتاستىراتىن مەكتەپ. بۇل – بىزدەن كەيىن دە قالاتىن مۇرا».
ناۋقاننان قوزعالىسقا اينالعان جوبا
بيىل كوكتەمدە «Halyk» قورى بۇكىل ەلدى قامتىعان GreenAct ەكولوگيالىق چەللەندجىن باستاعان ەدى. سول كەزدە مىڭداعان وقۋشى، ەرىكتى جانە كومپانيا قىزمەتكەرلەرى پاركتەردى تازالاپ، قالدىقتاردى سۇرىپتاپ، وسىمدىكتەر وتىرعىزدى. ەندى قور ەكولوگيالىق باعىتتا جۇمىسىن جالعاستىرىپ، «Halyk ورمانىن» قازاقستاننىڭ جاسىل ايماقتارىن قالپىنا كەلتىرۋ مەن كەڭەيتۋگە ارنالعان ۇزاقمەرزىمدى باعدارلاما رەتىندە جۇزەگە اسىرىپ كەلەدى.
جوبا نەگە ماڭىزدى؟
قازاقستان – كەڭ بايتاق دالا. بىراق ءوندىرىس پەن ۋربانيزاتسيا كەيدە تابيعاتقا كەرى اسەرىن تيگىزەدى. سوندىقتان ءار جاڭا ورمان – جاسىل ايماق ەمەس، ورنىقتى دامۋعا قوسىلعان ۇلەس. «Halyk ورمانى» – قامقورلىق، سانالى كوزقاراس، كەلەر ۇرپاق الدىنداعى جاۋاپكەرشىلىك تۋرالى جوبا. بۇل – ءار بالانىڭ ءوز اعاشىن ەگىپ، جىلدار وتە بىرگە وسكەنىن كورۋ.
انىقتاما
«Halyk ورمانى» جوباسىن تيمۋر قۇلىباەۆتىڭ «Halyk» قايىرىمدىلىق قورى جانە ەكولوگيا جانە تابيعي رەسۋرستار مينيسترلىگى بىرلەسىپ جۇزەگە اسىرادى. باعدارلاماعا 1 ملرد تەڭگە بولىنگەن. بەس جىلدا ءۇش وڭىردە 4 ميلليوننان اسا اعاش وتىرعىزۋ جوسپارلانعان:
• اباي وبلىسى («سەمەي ورمانى» رەزەرۆاتتارى);
• ىلە‑الاتاۋ ۇلتتىق پاركى;
• استانانىڭ جاسىل بەلدەۋى.
سالىقتىڭ سۇراۋىن، تالابىن بىلمەيتىنىمىز، سالىق ماڭىزىن تۇسىنبەيتىنىمىزدىڭ سەبەبىن نەدە دەپ ويلايسىز؟
