قورعانىس مينيسترلىگى 24 قىركۇيەكتە اقتاۋداعى اسكەري وقۋ-جاتتىعۋ كەزىندە جوعالىپ كەتتى دەگەن ماتروستارعا قاتىستى مالىمدەمە جاسادى، دەپ حابارلايدى «ادىرنا» ءتىلشىسى.
مينيسترلىكتىڭ مالىمەتىنشە، اسكەري-تەڭىز كۇشتەرى وتكىزگەن وقۋ-جاتتىعۋ كەزىندە جەكە قۇرامنىڭ ءبىر بولىگى جاعالاۋدا بولىپ، وزدەرىنە جۇكتەلگەن وقۋ مىندەتتەرىن ورىنداعان.
«مەرزىمدى اسكەري قىزمەتتەگى ماتروستار احمەتوۆ ا.ا. مەن ماعاۋيا ءا.ا. جاعالاۋدا وقۋ مىندەتتەرىن ورىنداعان اسكەري قىزمەتكەرلەر توبىنىڭ قۇرامىندا بولدى. قازىرگى ۋاقىتتا اتالعان اسكەري قىزمەتكەرلەر اسكەري ءبولىمنىڭ ورنالاسقان جەرىندە جانە كۇن تارتىبىنە سايكەس اسكەري قىزمەتىن اتقارىپ ءجۇر. ازاماتتاردى تەكسەرىلمەگەن جانە شىندىققا سايكەس كەلمەيتىن اقپاراتتى تاراتپاۋعا، سونداي-اق قورعانىس مينيسترلىگىنىڭ رەسمي مالىمەتتەرىنە سۇيەنۋگە شاقىرامىز»،– دەلىنگەن حابارلامادا.
ەسكە سالايىق، بۇعان دەيىن ەكى ماتروستىڭ تاعدىرى جونىندە ناقتى مالىمەتتىڭ جوقتىعى قوعامدا الاڭداۋشىلىق تۋعىزعان ەدى.
