28 قىركۇيەك كۇنى ىستامبۇل اۋەجايىندا يراننىڭ Caspian Airlines اۋە كومپانياسىنا تيەسىلى جولاۋشىلار ۇشاعى تۇتقىندالدى. بۇعان تۇرىك كومپانياسىنىڭ 3 ميلليون ەۋرو كولەمىندەگى قارىزدى ءوندىرىپ الۋ تۋرالى تالاپ-ارىزى بويىنشا شىعارىلعان سوت شەشىمى سەبەپ بولعان، دەپ حابارلايدى «ادىرنا» ءتىلشىسى تۇرىك باق-تارىنا سىلتەمە جاساپ.
مالىمەتتەرگە سايكەس، وقيعا EP-KPB تىركەۋ ءنومىرلى اۋە كەمەسى يرانعا ۇشۋعا دايىندالىپ جاتقان ساتتە بولعان. جولاۋشىلار ۇشاققا تولىق مىنگەننەن كەيىن اۋەجايعا نەسيە بەرۋشى كومپانيانىڭ ادۆوكاتتارى مەن سوت ورىنداۋشىلارى كەلىپ، ۇشاقتىڭ ۇشۋىنا تىيىم سالعان. وسىدان كەيىن جولاۋشىلار مەن ەكيپاج مۇشەلەرى ۇشاقتان ءتۇسىرىلىپ، تەرمينالعا قايتارىلعان. كەيىن اۋە كەمەسىنە رەسمي تۇردە تىيىم سالىنعان.
يران تاراپى مەن Caspian Airlines اۋە كومپانياسى بۇل جاعدايعا قاتىستى رەسمي تۇسىنىكتەمە بەرگەن جوق.
