فوتو: ۇوك
قازاقستاندىق تاەكۆوندوشى تەمىرلان تولەۋلەس جاپونيانىڭ ايتي–ناگويا ايماعىندا ءوتىپ جاتقان XX جازعى ازيا ويىندارىندا التىن مەدال جەڭىپ الدى، دەپ حابارلايدى "ادىرنا".
58 كەلىگە دەيىنگى سالماقتا باق سىناعان سپورتشى فينالدىق جەكپە-جەكتە فيليپپين وكىلى باربوسامەن كەزدەسىپ، قارسىلاسىنان باسىم ءتۇستى. وسى ناتيجەمەن تولەۋلەس قازاقستان قۇراماسىنىڭ قورجىنىنا 12-ءشى التىن جۇلدەنى سالدى.
تۋرنير بارىسىندا قازاقستاندىق سپورتشى بىرنەشە قارسىلاسىن جەڭىپ، فينالعا دەيىن ءساتتى جەتتى. شەشۋشى كەزدەسۋدەگى جەڭىسى وعان ازيا ويىندارىنىڭ چەمپيونى اتاعىن اكەلدى.
تەمىرلان تولەۋلەس قازاقستان تاريحىندا تاەكۆوندودان ازيا ويىندارىندا التىن مەدال يەلەنگەن العاشقى سپورتشى اتاندى.
2 قازاندا قازاقستان سپورتشىلارى ازيا ويىندارىندا ءۇش التىن مەدال جەڭىپ الدى. بۇعان دەيىن بوكستان تورەحان سابىرحان مەن ايبەك ورالباي ءوز سالماقتارىندا چەمپيون اتانعان بولاتىن.
ايتي–ناگويادا ءوتىپ جاتقان XX جازعى ازيا ويىندارى 4 قازاندا اياقتالادى.
