ىستانبۇلدا ەسەنيۋرت مۋنيتسيپاليتەتىندەگى تەندەرلەردى قولدان جاساۋ جانە مەردىگەرلەردەن پارا الۋ ءىسى بويىنشا تەرگەۋ اياسىندا 17 ادام ۇستالدى. بۇل تۋرالى dpa جازدى، دەپ حابارلايدى «ادىرنا» ءتىلشىسى.
تەرگەۋدى ىستانبۇل قالاسىنىڭ باس رەسپۋبليكالىق پروكۋراتۋراسى جۇرگىزىپ جاتىر. تەرگەۋ مالىمەتىنشە، كۇدىكتىلەر توبى مۋنيتسيپالدىق ساتىپ الۋلاردى وتكىزۋ كەزىندە ءتۇرلى زاڭسىز سحەمالاردى ۇيىمداستىرىپ، كەلىسىمشارت الۋ ءۇشىن مەردىگەرلەردەن اقشا تالاپ ەتكەن.
پروكۋراتۋرا 19 ادامدى ۇستاۋعا سانكتسيا بەرگەن. ارنايى وپەراتسيا بارىسىندا قارجىلىق قىلمىستارمەن كۇرەس باسقارماسىنىڭ قىزمەتكەرلەرى 17 كۇدىكتىنى ۇستاپ، پوليتسيا بولىمشەسىنە جەتكىزدى.
قازىر جاسىرىنىپ جۇرگەن تاعى ەكى كۇدىكتىنى ىزدەستىرۋ جۇمىستارى جالعاسۋدا. پروكۋراتۋرا اتالعان ءىس بويىنشا بارلىق ەپيزودتارعا قاتىستى تەرگەۋدىڭ ءالى دە جالعاسىپ جاتقانىن مالىمدەدى.
