تۇركىمەنستاندا وتكەن تمد ەلدەرى سىرتقى ىستەر مينيسترلەرى كەڭەسىنىڭ وتىرىسىندا ءوزارا ساۋدانى دامىتۋ جانە ورتاق ەكولوگيالىق ماسەلەلەرگە، اسىرەسە كاسپي تەڭىزىنىڭ تارتىلۋىنا قارسى ءىس-قيمىل ماسەلەلەرى تالقىلاندى. بۇل تۋرالى ازەربايجاننىڭ سىرتقى ىستەر ءمينيسترى دجەيحۋن بايراموۆ ح الەۋمەتتىك جەلىسىندە جازدى، دەپ حابارلايدى «ادىرنا» ءتىلشىسى.
ونىڭ ايتۋىنشا، بىرلەسكەن كۇش-جىگەردىڭ ارقاسىندا مەملەكەتتەر بەرىك ساياسي سەنىمدى وڭىرلىك تۇراقتىلىق پەن ءوزارا بايلانىستاردى نىعايتاتىن ناقتى ناتيجەلەرگە اينالدىرا الادى.
ء«بىز ورتا ءدالىز ارقىلى جۇك تاسىمالىن ارتتىرۋ، تسيفرلىق جەلىلەردى كەڭەيتۋ، سونداي-اق ازەربايجان، قازاقستان جانە وزبەكستان اراسىنداعى جاسىل ەنەرگەتيكا سالاسىنداعى ستراتەگيالىق ارىپتەستىكتى دامىتۋ جونىندەگى ناقتى بىرلەسكەن قادامداردى تالقىلادىق»، – دەپ جازدى مينيستر.
سونىمەن قاتار تاراپتار الداعى سامميتكە دايىندىق جۇمىستارىن دا قاراستىرعان.
