مەملەكەت باسشىسى قاسىم-جومارت توقاەۆ 7 قازاندا جۇمىس ساپارىمەن تۇركىمەنستانعا باردى. پرەزيدەنتتى اۋەجايدان تۇركىمەنستان مينيسترلەر كابينەتى توراعاسىنىڭ ورىنباسارى – سىرتقى ىستەر ءمينيسترى راشيد مەرەدوۆ قارسى الدى، دەپ حابارلايدى «ادىرنا» ءتىلشىسى.
8-9 قازان كۇندەرى قاسىم-جومارت توقاەۆ تۇركىمەنستان پرەزيدەنتى سەردار بەردىمۇحامەدوۆتىڭ شاقىرۋىمەن اۆازا قالاسىندا وتەتىن بىرقاتار حالىقارالىق ءىس-شارالارعا قاتىسادى.
ساپار اياسىندا مەملەكەت باسشىسى ورتالىق ازيا مەملەكەتتەرى مەن ازەربايجان باسشىلارىنىڭ VIII كونسۋلتاتيۆتىك كەزدەسۋىنە، تمد مەملەكەتتەرى باسشىلارى كەڭەسىنىڭ وتىرىسىنا جانە كاسپي ەكولوگيا سامميتىنە قاتىسۋدى جوسپارلاپ وتىر.
اتالعان جيىنداردا وڭىرلىك ىنتىماقتاستىقتى نىعايتۋ، ەكونوميكالىق بايلانىستاردى كەڭەيتۋ جانە ەكولوگيالىق قاۋىپسىزدىك ماسەلەلەرى تالقىلانباق.
