بۇگىن، 4 قاراشا كۇنى استانادا قازاقستان مەن رەسەي قورعانىس مينيسترلەرى ايدوس مىرزاحمەتوۆ پەن اندرەي بەلوۋسوۆ 2027 جىلعا ارنالعان ەكىجاقتى اسكەري ىنتىماقتاستىق جوسپارىنا قول قويدى، دەپ حابارلايدى «ادىرنا» ءتىلشىسى.
جوسپاردا اسكەري كادرلاردى دايارلاۋ، جاۋىنگەرلىك دايىندىق جانە اسكەري-تەحنيكالىق ىنتىماقتاستىق باعىتتارىنداعى ءوزارا ءىس-قيمىل ماسەلەلەرى قامتىلعان.
قورعانىس ۆەدومستۆولارىنىڭ باسشىلارى اسكەري ءبىلىم بەرۋ سالاسىنداعى ىنتىماقتاستىقتى دامىتۋعا، جاۋىنگەرلىك جانە كاسىبي دايارلىق بويىنشا تاجىريبە الماسۋعا نيەتتى ەكەنىن ءبىلدىردى.
سونداي-اق وقىتۋشىلار اراسىنداعى ءوزارا بايلانىستى نىعايتۋ، بىرلەسكەن عىلىمي-تاجىريبەلىك كونفەرەنتسيالار مەن سەمينارلار وتكىزۋ مۇمكىندىكتەرى قاراستىرىلۋدا.
ەسكە سالايىق، بۇگىن رەسەي فەدەراتسياسىنىڭ قورعانىس ءمينيسترى قازاقستانعا جۇمىس ساپارىمەن كەلگەن بولاتىن.
ال ايدوس مىرزاحمەتوۆ كاسپيدەگى 14 تەڭىزشىنىڭ قازاسىنان كەيىن 27 قىركۇيەكتە قورعانىس مينيستر بولىپ تاعايىندالعان. ول مينيستر رەتىندە مۇنداي قۇجاتقا العاش رەت قول قويىپ وتىر.
