اقتوبە قالاسىنداعى نەكە سارايىندا ايەل ادامدى ءولتىرۋ دەرەگى تىركەلدى، دەپ حابارلايدى “ادىرنا”.
بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
الەۋمەتتىك جەلىلەردە مارقۇمنىڭ 26 جاستا بولعانى تۋرالى اقپارات تارادى. كۋاگەرلەردىڭ جازۋىنشا، ول نەكە قيۋ سارايىنا قازىر كەزدەسىپ جۇرگەن ازاماتىمەن بىرگە كەلگەن.
سونداي-اق جەلىدەگى جاريالانىمداردا قىلمىسقا مارقۇمنىڭ بۇرىنعى كۇيەۋى قاتىسى بولۋى مۇمكىن دەگەن بولجام ايتىلعان. الايدا بۇل اقپارات ازىرگە رەسمي تۇردە راستالعان جوق.
اقتوبە وبلىسىنىڭ پوليتسيا دەپارتامەنتى ايەلدىڭ ولتىرىلگەنىن راستادى. اتالعان دەرەك بويىنشا سوتقا دەيىنگى تەرگەپ-تەكسەرۋ باستالعان. كۇدىكتىنىڭ جەكە باسى انىقتالىپ، ول ۇستالدى. قازىرگى ۋاقىتتا ۋاقىتشا ۇستاۋ يزولياتورىنا قامالعان. الايدا پوليتسيانىڭ رەسمي حابارلاماسىندا كۇدىكتىنىڭ مارقۇمعا كىم بولىپ كەلەتىنى ناقتىلانباعان.
پوليتسيا رەسمي حابارلاماسىندا ۇستالعان ادامنىڭ مارقۇمعا قانداي تۋىستىعى بار-جوعى، نەمەسە وزگە دە قاتىسى بار ەكەنىن ناقتىلامادى.
قازىر تەرگەۋ امالدارى جۇرگىزىلىپ، وقيعانىڭ بارلىق ءمان-جايى مەن قىلمىسقا نە سەبەپ بولعانى انىقتالىپ جاتىر.
