پرەزيدەنت توقاەۆ ماسكەۋدەن كەلگەن كراسنوۆتى قابىلدادى

301
Adyrna.kz Telegram
https://www.adyrna.kz/storage/uploads/eUWRkBXbWQ8PDu2ZIAfDwzDv18RxWmNT77S4YLem.jpg

مەملەكەت باسشىسى قاسىم-جومارت توقاەۆ رەسەي جوعارعى سوتىنىڭ توراعاسى يگور كراسنوۆتى قابىلدادى. بۇل تۋرالى 18 قاراشادا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

قاسىم-جومارت توقاەۆ كەزدەسۋ بارىسىندا ورتاق تاريحقا، تاتۋ كورشىلىككە، سونداي-اق قوس حالىق اراسىنداعى ءوزارا قۇرمەت پەن بەرىك بايلانىسقا نەگىزدەلگەن قازاقستان-رەسەي قارىم-قاتىناسىنىڭ ايرىقشا سيپاتىنا نازار اۋدارعان.

پرەزيدەنتتىڭ ايتۋىنشا، مەملەكەتارالىق قاتىناستاردىڭ جان-جاقتى ستراتەگيالىق سەرىكتەستىك جانە وداقتاستىق دەڭگەيىنە كوتەرىلۋى بارلىق باعىتتاعى، سونىڭ ىشىندە قۇقىق سالاسىنداعى ىقپالداستىقتىڭ دا دايەكتى تۇردە دامىپ كەلە جاتقانىن كورسەتەدى.

قاسىم-جومارت توقاەۆ ەلىمىزدىڭ بۇكىل مەملەكەتتىك-قۇقىقتىق جۇيەسىن جاڭعىرتۋعا باعىتتالعان اۋقىمدى ساياسي رەفورمالارعا توقتالعان.

ءوز كەزەگىندە رەسەي جوعارعى سوتىنىڭ توراعاسى قازاقستان سوتىمەن بەلسەندى ىقپالداستىق جولعا قويىلعانىن جەتكىزگەن. اتاپ ايتقاندا، تاريحتا تۇڭعىش رەت ەكى ەلدىڭ جوعارى سوت ينستانتسيالارى اراسىندا ىنتىماقتاستىق تۋرالى كەلىسىمگە قول قويىلعان. بۇل قۇجات كاسىبي ديالوگقا، سوت تورەلىگىن تسيفرلاندىرۋعا جانە جاساندى ينتەللەكتىنى قولدانىسقا ەنگىزۋگە نەگىز بولادى.

سونىمەن قاتار يگور كراسنوۆ عىلىم جانە ءبىلىم بەرۋ سالالارىندا، اسىرەسە، بىلىكتىلىكتى ارتتىرۋ جانە سوت قىزمەتكەرلەرىنىڭ تسيفرلىق داعدىلارىن دامىتۋ باعىتىندا سەرىكتەستىك اياسىن كەڭەيتۋگە مۇددەلى ەكەنىن راستاعان.

پىكىرلەر