قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن 2020 جىلعى 14 اقپاندا رەسپۋبليكا كولەمىندە پرەزيدەنت قاسىم-جومارت توقاەۆتىڭ قازاق ءتىلى ءالىپبيىن جەتىلدىرۋ جونىندەگى تاپسىرماسى بويىنشا اشىق تالقىلاۋ شاراسى وتەدى.
شارانىڭ ماقساتى – ورفوگرافيالىق جۇمىس توبى ازىرلەگەن ءالىپبيدىڭ جەتىلدىرىلگەن نۇسقالارى مەن وزگە دە ۇسىنىلعان ءالىپبي جوبالارىن تالقىلاۋ.
رەسپۋبليكالىق كولەمدە بارلىق وڭىرلەردە وتەتىن اشىق تالقىلاۋ جەرگىلىكتى ءتىل باسقارمالارى ارقىلى ۇيىمداستىرىلىپ، وعان فيلولوگ عالىمدارمەن ادىسكەرلەر، جوعارعى جانە ورتا ءبىلىم بەرەتىن وقۋ ورىندارىنىڭ ءتىل ماماندارى قاتىسادى.
تالقىلاۋ بارىسىندا ۇسىنىلعان قورىتىندىلار مەن ۇسىنىس-پىكىرلەر قر مادەنيەت جانە سپورت مينيسترلىگى ءتىل ساياساتى كوميتەتىندە جيناقتالىپ، وعان مونيتورينگ جۇرگىزىلەدى.
مونيتورينگ قورىتىندىلارى ۇلتتىق كوميسسيا جانىنداعى ورفوگرافيالىق، تەرمينولوگيالىق، ادىستەمەلىك، ساراپتاما جانە تەحنيكالىق سۇيەمەلدەۋ توپتارىنىڭ بىرلەسكەن كەڭەسىنە ۇسىنىلىپ، تالقىلانادى.
جۇمىس توبىنىڭ عالىمدارى ۇسىنىلعان ءالىپبي جوبالارىن تالقىلاپ، عىلىمي نەگىزدەمەمەن قورىتىندى شىعاراتىن بولادى.
