2023 جىلعى 20 ماۋسىم كۇنى گەرمانيا فەدەرالدى پرەزيدەنتىمەن كەزدەسۋى بارىسىندا مەملەكەت باسشىسى قاسىم-جومارت توقاەۆ قازاقستاننىڭ ۋكرايناداعى جاعدايعا قاتىستى ۇستانىمىن حابارلاپ، سىرتقى ساياساتتاعى باعىتىن تاعى دا ايقىنداپ بەردى، دەپ حابارلايدى "ادىرنا" ۇلتتىق پورتالى.
ۋكرايناداعى داعدارىس، حالىقارالىق كۇردەلەنگەن ساياساتتاعى قازاقستان ۇستانىمى مەن باسقىنشىلىق جورىقتارىنا قاتىستى ەل ايقىنداماسى. قاسىم-جومارت توقاەۆ بۇل كۇردەلى ماسەلەلەرگە قاتىستى ەل ۇستانىمىن ناقتى جەتكىزدى.
بىرىنشىدەن, ونىڭ سوزىنشە، قازاقستان بۇۇ جارعىسىن قاتاڭ ساقتاۋى كەرەك. جالپى ايتقاندا، بۇۇ-نى الەمدەگى بىرەگەي ۇيىم رەتىندە مويىنداپ، قولداۋعا ءتيىسپىز.
ەكىنشىدەن, پرەزيدەنت قىتايدىڭ، سونداي-اق باسقا دا مەملەكەتتەردىڭ بارلىق بەيبىت باستاماسىن قولداۋىمىز قاجەت ەكەنىن ايتتى.
"جاقىن ارادا ۋكرايناداعى قارۋلى قاقتىعىس توقتايدى دەپ ۇمىتتەنەمىز. سودان كەيىن عانا جەردىڭ بۇل بولىگىندە مىزعىماس بەيبىت ءومىر ورنايتىنى تۋرالى ءسوز قوزعاي الامىز. قازاقستانعا كەلەتىن بولساق، ءبىز وسى ماقساتقا قول جەتكىزۋگە ءوز ۇلەسىمىزدى قوسۋعا دايىنبىز", – دەدى قازاقستان پرەزيدەنتى.بۇعان قوسا توقاەۆ قازاقستاننىڭ رەسەيدەن دە "كوز جازىپ" قالعىسى كەلمەيتىنىن جەتكىزدى. رەسەي مەن قازاقستاننىڭ ستراتەگيالىق سەرىكتەس جانە بىرنەشە ۇيىمنىڭ ورتاق مۇشەسى ەكەنىن ءسوز ەتىپ، ەكىجاقتى بايلانىس جايىن ايتتى.
"سوندىقتان ءبىزدىڭ ماقساتىمىز – رەسەي مەن قازاقستان اراسىنداعى ەكىجاقتى بايلانىستى ساقتاۋ جانە حالىقارالىق ۇيىمداردىڭ تالاپتارىن ەسكەرە وتىرىپ ءوزارا ىنتىماقتاستىعىمىزدى نىعايتۋ", - دەدى قاسىم-جومارت توقاەۆ.
"ادىرنا" ۇلتتىق پورتالى
قاسىم-جومارت توقاەۆ
پۋتين بيلىگى
سىرتقى ساياسات
كرەمل بيلىگى
گەرمانيا پرەزيدەنتى
گەرمانيا باسشىسى
ۋكرايناداعى قارۋلى قاقتىعىس
قازاقستان ۇستانىمى
گەرمانيا فەدەرالدى پرەزيدەنتى
اقورداداعى كەزدەسۋ
ۋكرايناداعى جاعداي
