پرەزيدەنت قاسىم-جومارت توقاەۆ "ەگەمەن قازاقستان" گازەتىنە بەرگەن سۇحباتىندا بىرقاتار ساياساتشىلار مەن قوعامنىڭ جەكەلەگەن وكىلدەرى ءجيى اۋىزعا الىپ جۇرگەن "قوسارلانعان بيلىك جۇيەسى" تۋرالى ايتتى. مۇنداي سۇراقتىڭ قويىلۋىنىڭ ءوزى بۇل قاتەر قاعابەرىس قالاتىن ماسەلە ەمەس ەكەندىگىن بىلدىرسە كەرەك.
وسى سۇحباتتا پرەزيدەنت مىرزا بىلدىرگەن بىرەر پىكىرگە سىلتەمە جاساپ، ءوزىم ورگەن ويدىڭ ورامىن كەلتىرەيىن. بالكي، مەنىڭ ءسوز جورالعىم الدەبىر ابىگەرلى الەۋمەتكە جاقپاۋى مۇمكىن، بىراق قوعامنىڭ ءبىر پۇشپاعىندا 30 جىلعا جۋىق جۇرگەن ساياساتكەر رەتىندە ءبىزدىڭ اۋىزعا ەشكىم قاقپاق بولا المايلى دەپ ويلايمىن. /سۇحباتتاعى سۇراق/ ء"سىز 2019 جىلى پرەزيدەنت لاۋازىمىنا سايلانعاننان كەيىن ەلىمىزدە قوسارلانعان بيلىك جۇيەسى قالىپتاستى-مىس دەگەن ءسوز تارادى. كەيبىرەۋلەر ءبىزدىڭ ساياسي جۇيەمىزدى يراننىڭ، سينگاپۋردىڭ جۇيەسىمەن سالىستىردى. شىنىمەن دە، سول كەزدە ەلىمىزدە ەكى بيلىك ورتالىعى ورناعانداي كورىندى. راسىمەن سولاي بولدى ما؟" - دەگەن سۇراققا پرەزيدەنت توقاەۆ ءوزىنىڭ قالىپتاسقان سابىرلى ادامي تۇرپاتىنا سايكەس، سالماقتى جانە ۇستامدى تۇرعىدا جاۋاپ بەردى. (شىنىندا دا، مەملەكەت پەن حالىقتىڭ تاعدىرىن ءبىر ادام ارام ساياسي پيعىلى ءۇشىن يەمدەنىپ الماق بولعان، ەلدىڭ بولاشاعىن جەكە باس مۇددەسىنە قۇربان قىلۋعا ارەكەتتەنگەن بۇل ماسەلەنى بايىپپەن ەمەس، ايعايلاپ ايتۋعا بولار ەدى. - بۇدان بىلايعى جاقشانىڭ ىشىندەگى - مەنىڭ رەماركام). "توتەسىنەن قويعان سۇراعىڭىزعا تۋرا جاۋاپ بەرەيىن، - دەدى توقاەۆ مىرزا... - «بيلىك ءترانزيتى» كەزىندەگى احۋالدى ساياساتتاعى ايلاكەرلەر (كىم ەكەنى - بەسىكتەگى بالاعا ءمالىم) ءوز مۇددەسىنە پايدالانىپ، قوسامجارلانعان بيلىك ورتالىعىن قۇرۋعا تىرىستى. ەلىمىزدە پرەزيدەنت ءارى جوعارعى باس قولباسشى لاۋازىمى ءبىر بولەك، بۇرىنعى پرەزيدەنت يەلەنگەن قاۋىپسىزدىك كەڭەسىنىڭ توراعاسى لاۋازىمى ءبىر بولەك بولدى. وسى ەكى لاۋازىمنىڭ يەلەرى ءبىر مەزەتتە قاتار قىزمەت اتقاردى. ءتۇپتىڭ تۇبىندە بۇل جاعدايدىڭ بيلىكتە قاتاڭ تەكەتىرەس تۋعىزباي قويماسى انىق ەدى. مۇنى از دەسەڭىز، ءدال وسى جاعداي قاڭتار داعدارىسىنا اكەپ سوقتىرعان العىشارتتىڭ ءبىرى بولدى (!!!). ويتكەنى ىمىرالاسقان قاسكويلەر وزدەرى ويلاپ تاپقان قوسارلانعان بيلىك، ياعني «تاندەم» يدەياسىن دارىپتەپ، ونى ءوز مۇددەسىنە پايدالانعىسى كەلدى. كەيبىر لاۋازىمدى تۇلعالاردىڭ، ونىڭ ىشىندە بۇرىنعى ادىلەت ءمينيسترىنىڭ مارتەبە جاعىنان ەلباسى (نازارباەۆ) پرەزيدەنتتەن (توقاەۆتان) جوعارى تۇراتىنىن ايتقانى ەستەرىڭىزدە شىعار. كەيبىر شەنەۋنىكتەر (بۇگىن دە بار) بىرەسە انا، بىرەسە مىنا كابينەتتى جاعالاپ ءجۇردى. ولار ويناقتاپ ءجۇرىپ، اقىرى وت باستى. (نۇرلان نىعماتۋلين، ەرلان تۇرعىمباەۆ، باۋىرجان بايبەك، اسقار مامين جانە ت.ب. جاۋاپكەرلەر بار دەپ توپشىلايىق). مەن كەيىنىرەك نۇرسۇلتان ءابىشۇلى نازارباەۆقا ونىڭ جاقىن سەرىكتەرىنىڭ ساياسي قيتۇرقىلىعى ەلىمىزدىڭ تاس-تالقانىن شىعارا جازداعانىن (!!!) اشىق ايتتىم...", - دەدى توقاەۆ مىرزا ءوز سۇحباتىندا. ءيا، بۇگىندە "قوسامجارلانعان بيلىك"جويىلدى. قاڭتار وقيعاسىنان كەيىنگى ەلدەگى ساياسي بيلىكتىڭ بارلىق تۇتقاسى مەن تەتىكتەرى پرەزيدەنت توقاەۆتىڭ قولىندا. بۇل ورايدا الابوتەن داۋ جوق. ءيا، ءالى دە ەلدەگى جەمقورلىق جويىلعان جوق، الەۋمەتتىك ادىلەتتىلىك ورناپ بىتپەدى. پروكۋراتۋرا مەن سوتتان قورعاۋ تاپپاي، زار يلەپ، ادىلەت ىزدەپ جۇرگەندەر از ەمەس. ۇرلانعان اكتيۆتەردى قايتارۋ ءىسى مەملەكەتتىك ساياسي-قۇقىقتىق ناۋقانعا اينالمادى. داۋ باسقادا. داۋ - 30 جىلدىق بيلىككە ابدەن دانىككەن سول نازارباەۆتىق "ىستىق" ىقىلاستىڭ قايتىپ كەلۋ قاۋپىندە. بيلىك باسىندا جۇرگەن جەكەلەگەن ازاماتتار مەنى سەندىرگىسى كەلەدى: نازارباەۆتىڭ كۇنى كەلمەسكە كەتتى دەپ. مەن بۇل قۇرعاق ۋاجگە يلانا المايمىن. ءوزى كەلمەسە دە، ونىڭ جەمقور، جاتىپىشەر، جاندايشاپ جاقتاستارى جايباراقات جاتىر ما؟ ولاردىڭ ەسكىلىككە اڭسارى اۋعان سۇرقيا سيپاتىن بولات نازارباەۆتىڭ جەتى كۇندىك اسىندا ايتىلعان ءسوز استارىنان اڭعاردىق. "الەم تانىعان", "ەل مويىنداعان", "ەڭبەگى سىڭگەن", ء"الى دە بەرەرى بار" نازارباەۆقا دەگەن "حالىقتىق قۇشتارلىقتى" ولار استىڭ ۇستىندە اشىق ايتتى. ال ولار وڭاشادا وشارلى جيىندارىندا نە ايتىپ، قانداي قيساپ قۇرىپ ءجۇر - بۇل ءبىر قۇدايعا عانا ايان بولسا كەرەك ("كنب" بۇدان حاباردار ما؟). قازاقستاندا ليۋستراتسيا تۋرالى زاڭ قابىلدانىپ، ەلگە كەدەيشىلىك پەن قىمباتشىلىقتىڭ قامىتىن كيگىزگەن ءبىراز بۇرىنعى لاۋازىمگەر قاماۋعا الىنىپ، سوت ارقىلى جازاعا تارتىلماي، "قوسامجار بيلىك جۇيەسىنە" قۇشتارلار ايىلىن جيار ما؟ ۇرلانعان ميللياردتاردى وفشورعا وقشاۋلاعان ولاردىڭ ەرتەڭگى سايلاۋدى "ساتىپ الۋعا" قارجىلىق قاۋھارى مول ەكەنىنە كۇمان جوق. جالپى، نازارباەۆتىڭ قايتىپ كەلۋ "قۇشتارلىعى" قايدان شىققان؟ بۇل سۇراقتىڭ جاۋابىن 2019 جىلدىڭ 19-ناۋرىزىنان ىزدەۋ كەرەك سياقتى. قانداي قىسىممەن، نەدەي ناۋبەتتەن نازارباەۆ اياق استىنان "كەتتىم" دەدى؟ كىم نەمەسە كىمدەر ونى وسىعان ءماجبۇر ەتتى؟ اندا-ساندا "شال، كەت!" دەگەن، ءار جەردەن شاشىراپۇقساس جاڭالىقتار
ەرمۇرات باپي
