ەل پرەزيدەنتى قاسىم-جومارت توقاەۆ “ەگەمەن قازاقستان” گازەتىنە بەرگەن سۇحباتىندا ەلدە جىل سوڭىندا اسا كۇردەلى تالقىلاۋعا تۇسكەن تاقىرىپ تۇرمىستىق زورلىق-زومبىلىققا قاتىستى پىكىرىن ايتتى، دەپ حابارلايدى “ادىرنا” پورتالى.
ول اتالمىش باعىتتاعيا شاعىم-ارىزدارمەن، قىلمىستىق ىسەر ايەل تەرشەۋشىلەر اينالىساتىنىن اتاپ ءوتتى.
”ايەلدەر مەن بالالارعا جاسالعان زورلىق-زومبىلىققا قاتىستى قىلمىستاردى تەرگەۋمەن ايەل تەرگەۋشىلەر اينالىساتىن بولدى. سونداي-اق ىشكى ىستەر ورگاندارىندا ايەلدەردى زورلىق-زومبىلىقتان قورعاۋمەن شۇعىلداناتىن مامانداردىڭ شتاتى قالپىنا كەلتىرىلىپ، ولاردىڭ قۇزىرەتى كۇشەيتىلدى” دەدى پرەزيدەنت.
ء“بىز مۇنىمەن شەكتەلگەن جوقپىز. بىلتىر وتباسىنداعى تۇرمىستىق قۇقىق بۇزۋشىلىقپەن كۇرەس تاسىلدەرىن قايتا قارادىق. 1 شىلدەدەن باستاپ پوليتسيا جابىرلەنۋشىنىڭ شاعىمىن ەمەس، قىلمىستىڭ انىقتالۋىن نەگىزگە الىپ، قىلمىستىق ءىستى تىركەۋگە كوشتى. ياعني مۇنداي قىلمىستارعا قاتىستى ءىس قوزعاۋ ءۇشىن زورلىق-زومبىلىقتان جاپا شەككەن ادامنىڭ ارىزى قاجەت ەمەس. تۇرمىستىق زورلىق-زومبىلىق جاساعاندارعا اكىمشىلىك جانە قىلمىستىق جاۋاپكەرشىلىك ەداۋىر كۇشەيتىلدى. جابىرلەنۋشى قايتا-قايتا قىسىمعا ۇشىراماۋى ءۇشىن بۇدان بىلاي مۇنداي ىسكە قاتىستى تاراپتارعا ەكىنشى رەت تاتۋلاسۋ مۇمكىندىگى بەرىلمەيتىن بولدى” دەپ قوستى ول.
ول ماجىلىستە جاڭا زاڭ قاراستىرىلىپ جاتقانىن اتاي كەتتى.
“سونداي-اق ءماجىلىستىڭ ءبىر توپ دەپۋتاتى حالىققا جولداۋىمنىڭ اياسىندا تۇرمىستىق زورلىق-زومبىلىققا قارسى كۇرەستىڭ جاڭا ءارى ءتيىمدى شارالارىن قاراستىراتىن زاڭ جوباسىن ازىرلەپ جاتىر”.
