جەر بەتىندەگى ەڭ ۇلكەن تۇيىق سۋ قويماسى كاسپي تەڭىزىنىڭ دەڭگەيى تسيكلدىك اۋىتقۋلارعا ۇشىرايدى. بۇل تۋرالى Caliber.Az تىلشىسىنە ازەربايجان عىلىم جانە ءبىلىم مينيسترلىگىنە قاراستى حاسان اليەۆ اتىنداعى گەوگرافيا ينستيتۋتىنىڭ كاسپي تەڭىزى ءبولىمىنىڭ مەڭگەرۋشىسى، پروفەسسور ءامىر اليەۆ مالىمدەدى، دەپ حابارلايدى “ادىرنا” ۇلتتىق پورتالى.
عالىمنىڭ ايتۋىنشا، 1978 جىلدان 1995 جىلعا دەيىن كاسپي تەڭىزىنىڭ دەڭگەيى كوتەرىلىپ، كەيىن قايتا تومەندەي باستاعان.
«بولجامدارعا سايكەس، كاسپي تەڭىزىنىڭ دەڭگەيىنىڭ تومەندەۋى كەلەسى 10-15 جىلدا جالعاسادى. ال 2040-2050 جىلدار ارالىعىندا جاڭا كوتەرىلۋ كۇتىلۋدە. جالپى سوڭعى 4000 جىلدا كاسپي دەڭگەيى شامامەن 200-220 جىل تومەندەدى، سودان كەيىن ءدال سول كەزەڭدە كوتەرىلدى. سوڭعى رەت ەڭ جوعارى دەڭگەي 1805 جىلى تىركەلگەن. سول كۇننەن بەرى سۋ دەڭگەيى تومەندەپ كەلەدى، بىراق كەيدە ازداعان كوتەرىلۋ بايقالادى»، - دەدى عالىم.
ايتا كەتۋ كەرەك، كاسپي تەڭىزىنىڭ تايىزدانۋى كەمە قاتىناسى مەن بالىق اۋلاۋعا ۇلكەن زيان كەلتىرەدى. جالپى، ازەربايجاندا تەڭىز دەڭگەيىنىڭ تومەندەۋىنە بايلانىستى جاعالاۋ سىزىعى 100, 200, 500 مەترگە، كەي جەرلەردە ءتىپتى ءبىر شاقىرىمعا شەگىندى.
