ۋكراينا پرەزيدەنتى ۆلاديمير زەلەنسكي اقش پرەزيدەنتى دونالد ترامپتىڭ رەسەيمەن «ەنەرگەتيكالىق ءبىتىم» جاسالعانى تۋرالى مالىمدەمەسىنەن حابارسىز ەكەنىن ايتتى، دەپ حابارلايدى «ادىرنا» ءتىلشىسى.
«بۇل مالىمدەمە مەن ءۇشىن جاڭالىق بولدى. الايدا رەسەي تاراپى ەنەرگەتيكا سالاسىندا اتىستى توقتاتۋعا كەلىسسە، ۋكراينا دا بۇعان كەلىسەدى»، — دەدى زەلەنسكي Axios باسىلىمىنا بەرگەن سۇحباتىندا.
بۇعان دەيىن زەلەنسكيدىڭ اينالاسىنداعى دەرەككوزدەر دە اقش پرەزيدەنتىنىڭ ناقتى نەنى مەڭزەپ وتىرعانىن بىلمەيتىندەرىن مالىمدەگەن ەدى.
«بۇگىننەن باستاپ رەسەي مەن ۋكراينا اراسىنداعى سوعىستا ەنەرگەتيكالىق ءبىتىم كۇشىنە ەنەدى. ەكى تاراپ تا بۇعان كەلىستى. ونى بۇزباڭىزدار!» — دەپ جازعان بولاتىن ترامپ 11 قازان كۇنى Truth Social الەۋمەتتىك جەلىسىندە.
ۇقساس جاڭالىقتار
