ستەنفوردتا سان-ديەگو ۋنيۆەرسيتەتىنىڭ وقىتۋشى-پروفەسسورى دجەيك زاۆلاتسكي احمەت بايتۇرسىنۇلىنىڭ «ماسا» جيناعىنىڭ اعىلشىن تىلىندەگى تۇڭعىش اۋدارماسىن كوپشىلىككە تانىستىردى. بۇل تۋرالى 10 قازاندا قازاقستاننىڭ سان-فرانتسيسكو قالاسىنداعى (اقش) باس كونسۋلدىعى ايتتى، دەپ حابارلايدى «ادىرنا» ءتىلشىسى.
اۋدارماشى ورتالىق ازيا مادەنيەتىن ۇزاق جىلدار زەرتتەپ، بۇعان دەيىن قازاقستان، قىرعىزستان جانە موڭعوليادا تۇرىپ، ءوڭىردىڭ تاريحى مەن ادەبيەتىنە قىزىعۋشىلىق تانىتقان. ونىڭ ايتۋىنشا، ول قازاق مادەنيەتىمەن تانىسقاننان بەرى الاش قوزعالىسىنا ەرەكشە قىزىعۋشىلىق تانىتىپ كەلگەن. سوندىقتان الاش قايراتكەرلەرىنىڭ ءبىرىنىڭ شىعارماسىن اعىلشىن تىلىنە اۋدارۋدى ماقسات ەتكەن. «ماسا» جيناعىن اۋدارۋ بارىسىندا بىرقاتار قيىندىقتار كەزدەسكەن. اسىرەسە قازاق پوەزياسىنداعى تىلدىك ەرەكشەلىكتەر مەن كونە سوزدەردىڭ مولدىعى جۇمىستى كۇردەلەندىرگەن. الايدا اۆتور بۇگىنگى كۇنى دە وزەكتىلىگىن جوعالتپاعان شىعارمانى شەتەل وقىرمانىنا تانىستىرۋدى ءجون كورگەن.
ءىس-شارادا باس كونسۋل نازيرا نۇرباەۆا قازاق ادەبيەتىن الەمگە تانىتۋعا قوسقان ۇلەسى ءۇشىن اۆتورعا العىسىن ءبىلدىردى.
