شىعىس قازاقستان وبلىسىندا پروكۋرورلار رۇقسات ەتىلمەگەن 15 قوقىس الاڭىن انىقتادى. زاڭبۇزۋشىلىقتارعا جول بەرگەنى ءۇشىن اۋىلدىق وكرۋگتەردىڭ 12 اكىمى اكىمشىلىك جاۋاپقا تارتىلدى، دەپ حابارلايدى «ادىرنا» ءتىلشىسى.
تەكسەرۋ «تازا قازاقستان» رەسپۋبليكالىق ەكولوگيالىق اكتسياسى اياسىندا جۇرگىزىلگەن. شقو گلۋبوكوە اۋدانىنىڭ پروكۋراتۋرا قىزمەتكەرلەرى سپۋتنيكتىك سۋرەتتەردى تالداپ، اۋدان اۋماعىن كوزبەن شولىپ تەكسەرگەن.
«ابباتتاندىرۋ قاعيدالارىن بۇزعانى ءۇشىن پوليتسيا قىزمەتكەرلەرىمەن 177 تۇلعا اكىمشىلىك جاۋاپتىلىققا تارتىلدى. سونىمەن قاتار پروكۋرورلىق قاداعالاۋ شارالارى بويىنشا باقىلاۋدى تيىسىنشە جۇزەگە اسىرماعانى ءۇشىن 12 اۋىلدىق وكرۋگ اكىمى اكىمشىلىك جاۋاپتىلىققا تارتىلدى. سالىنعان اكىمشىلىك ايىپپۇلدار تولىق كولەمدە تولەندى»،– دەلىنگەن حابارلامادا.
ۇقساس جاڭالىقتار
