ۇلىتاۋ وبلىسىنىڭ كاسىپكەرلىك جانە ونەركاسىپ باسقارماسى تۇتىنۋشىلاردىڭ قۇقىقتارىن قورعاۋ دەپارتامەنتىمەن جانە «ۇلىتاۋ» الەۋمەتتىك-كاسىپكەرلىك كورپوراتسياسىمەن بىرلەسىپ، وڭىردەگى ساۋدا ورىندارىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا مونيتورينگ جۇرگىزدى.
ماماندار بەلگىلەنگەن باعالاردىڭ ساقتالۋىن تەكسەرىپ، دۇكەن يەلەرى مەن ساتۋشىلارعا ءتۇسىندىرۋ جۇمىستارىن جۇرگىزدى. ولارعا كۇندەلىكتى تۇتىناتىن ازىق-تۇلىك ونىمدەرىنىڭ باعاسىن نەگىزسىز كوتەرۋگە جول بەرمەۋ قاجەتتىگى ەسكەرتىلدى.
الەۋمەتتىك ماڭىزى بار ازىق-تۇلىك تاۋارلارىنا بەلگىلەنەتىن ساۋدا ۇستەمەسىنە ەرەكشە نازار اۋدارىلدى. قولدانىستاعى تالاپتارعا سايكەس، ساۋدا ۇستەمەسى ءوندىرۋشىنىڭ بوساتۋ باعاسىنىڭ نەمەسە جەتكىزۋشىنىڭ ساتىپ الۋ باعاسىنىڭ 15 پايىزىنان اسپاۋعا ءتيىس.
مونيتورينگ باعا تۇراقتىلىعىن قامتاماسىز ەتۋگە، تۇتىنۋشىلاردىڭ قۇقىقتارىن قورعاۋعا جانە ازىق-تۇلىك باعاسىنىڭ نەگىزسىز وسۋىنە جول بەرمەۋگە باعىتتالعان.
