فوتو: Report
ەگيپەتتىڭ گيزا پروۆينتسياسىنداعى ەل-ايات اۋدانىندا جولاۋشىلار پويىزىنىڭ ءتورت ۆاگونى رەلستەن شىعىپ كەتىپ، ءىرى تەمىرجول اپاتى بولدى. وقيعا سالدارىنان ءتورت ادام قازا تاۋىپ، تاعى 88 ادام ءتۇرلى جاراقات العان. Report اگەنتتىگىنىڭ حابارلاۋىنشا، بۇل تۋرالى ەگيپەت دەنساۋلىق ساقتاۋ مينيسترلىگى مالىمدەدى، دەپ حابارلايدى "ادىرنا".
العاشقى اقپارات بويىنشا، اپاتتان كەمىندە 150 ادام زارداپ شەككەن. الايدا كەيىنگى رەسمي مالىمەتتە جاراقات العاندار سانى 88 ادام دەپ ناقتىلاندى.
وقيعا ورنىنا جەدەل جاردەم قىزمەتىنىڭ 72 كولىگى جىبەرىلىپ، جولاۋشىلاردى قۇتقارۋ جانە ەۆاكۋاتسيالاۋ جۇمىستارى جۇرگىزىلگەن. زارداپ شەككەندەردىڭ بارلىعى جاقىن ماڭداعى اۋرۋحانالارعا جەتكىزىلدى. ءبىر ادام وقيعا ورنىندا كوز جۇمسا، تاعى ۇشەۋى مەديتسينالىق مەكەمەلەردە قايتىس بولعان.
ەگيپەت دەنساۋلىق ساقتاۋ ءمينيسترى حالەد ابدەل گاففار قۇتقارۋ جۇمىستارىن جەكە باقىلاۋىنا العان. ونىڭ تاپسىرماسىمەن گيزا جانە بەني-سۋەيف پروۆينتسيالارىنداعى مەديتسينالىق مەكەمەلەر كۇشەيتىلگەن دايىندىق رەجيمىنە كوشىرىلدى.
قازىرگى ۋاقىتتا قۇقىق قورعاۋ ورگاندارى تەمىرجول اپاتىنىڭ سەبەپتەرىن انىقتاپ، وقيعا ورنىنداعى جاعدايدى تەكسەرىپ جاتىر. قۇتقارۋ جۇمىستارى جالعاسۋدا.
