ۇلىتاۋ وبلىسىنىڭ جەزقازعان قالاسىندا 100 ورىندىق ونكولوگيالىق ورتالىقتىڭ قۇرىلىسى باستالدى. بۇگىن نىساننىڭ ىرگەتاسىنا كاپسۋلا سالۋ ءراسىمى ءوتتى. وعان وبلىس اكىمى ەسەت بايكەن مەن مينيستر اقمارال شارىپبايقىزى قاتىستى، دەپ حابارلايدى "ادىرنا".
جاڭا مەديتسينالىق ورتالىقتىڭ جالپى اۋماعى 22 مىڭ شارشى مەتردى قۇرايدى. جوبا اياسىندا 100 ورىندىق ستاتسيونار جانە ءبىر اۋىسىمدا 250 ادامدى قابىلدايتىن دياگنوستيكالىق ءبولىم اشۋ جوسپارلانعان.
مەكەمە زاماناۋي مەديتسينالىق جابدىقتارمەن قامتاماسىز ەتىلەدى. بۇل ونكولوگيالىق اۋرۋلاردى ەرتە انىقتاۋعا، ناۋقاستاردى دياگنوستيكالاۋ مەن ەمدەۋدىڭ مۇمكىندىكتەرىن كەڭەيتۋگە جول اشادى.
جاڭا ورتالىقتىڭ ىسكە قوسىلۋى ۇلىتاۋ وبلىسىنىڭ تۇرعىندارىنا مامانداندىرىلعان مەديتسينالىق كومەكتى وڭىردە الۋعا مۇمكىندىك بەرىپ، وزگە ايماقتارعا بارۋ قاجەتتىلىگىن ازايتۋعا باعىتتالعان.
