Ūlytau oblysynyŋ Jezqazǧan qalasynda 100 oryndyq onkologiialyq ortalyqtyŋ qūrylysy bastaldy. Bügın nysannyŋ ırgetasyna kapsula salu räsımı öttı. Oǧan oblys äkımı Eset Baiken men ministr Aqmaral Şärıpbaiqyzy qatysty, dep habarlaidy "Adyrna".
Jaŋa medisinalyq ortalyqtyŋ jalpy aumaǧy 22 myŋ şarşy metrdı qūraidy. Joba aiasynda 100 oryndyq stasionar jäne bır auysymda 250 adamdy qabyldaityn diagnostikalyq bölım aşu josparlanǧan.
Mekeme zamanaui medisinalyq jabdyqtarmen qamtamasyz etıledı. Būl onkologiialyq aurulardy erte anyqtauǧa, nauqastardy diagnostikalau men emdeudıŋ mümkındıkterın keŋeituge jol aşady.
Jaŋa ortalyqtyŋ ıske qosyluy Ūlytau oblysynyŋ tūrǧyndaryna mamandandyrylǧan medisinalyq kömektı öŋırde aluǧa mümkındık berıp, özge aimaqtarǧa baru qajettılıgın azaituǧa baǧyttalǧan.
