شىعىستا ساق قورعاندارىن زاڭسىز قازعان

103
Adyrna.kz Telegram
https://www.adyrna.kz/storage/uploads/YGjkdr8mQMSaEbRNaisw7anOZghjgrfPC8y4H0Hp.jpg

فوتو: جي

شقو زايسان اۋدانىنداعى «شاعانوبا» ارحەولوگيالىق كەشەنى اۋماعىندا ساق قورعاندارىن زاڭسىز قازۋ دەرەگى بويىنشا قىلمىستىق ءىس قوزعالدى، دەپ حابارلايدى “ادىرنا”. 

قازىر اتالعان فاكتىگە قاتىستى سوتقا دەيىنگى تەرگەۋ جۇرگىزىلىپ جاتىر.

زايسان اۋدانى اكىمدىگىنىڭ مالىمەتىنشە، 13 قاراشادا وقيعا ورنىنا پوليتسيا قىزمەتكەرلەرى بارعان. تەكسەرۋ بارىسىندا ارحەولوگيالىق كەشەن اۋماعىندا «SRS» جشس-نە تيەسىلى تەحنيكانىڭ كومەگىمەن بۇرىن قازىلعان شۇڭقىرلاردى توپىراقپەن كومۋ جۇمىستارى جۇرگىزىلگەنى انىقتالعان. وقيعا ورنىنداعى ازاماتتاردىڭ جەكە باسى انىقتالىپ، ءتيىستى ماتەريالدار پوليتسياعا جولدانعان.

سول كۇنى تاريحي-مادەني مۇرانى قورعاۋ سالاسىنىڭ ماماندارى، ارحەولوگ، اۋدان اكىمدىگى مەن پوليتسيا وكىلدەرى اۋماقتى قايتا تەكسەرگەن. جەر قازۋ جۇمىستارىنىڭ ىزدەرى فوتو جانە بەينەتاسپاعا ءتۇسىرىلىپ، ءتيىستى اكت جاسالعان.

شىعىس قازاقستان وبلىسى اكىمدىگىنىڭ حابارلاۋىنشا، قار جامىلعىسىنا بايلانىستى قورعانداردىڭ قازىرگى جاعدايىن تولىق باعالاپ، كەلتىرىلگەن زالال كولەمىن انىقتاۋ ازىرگە مۇمكىن ەمەس. وسىعان بايلانىستى قوسىمشا زەرتتەۋ جۇمىستارى 2027 جىلدىڭ كوكتەمىنە جوسپارلانعان. قاجەت بولعان جاعدايدا شۇعىل ارحەولوگيالىق-قۇتقارۋ جۇمىستارى ۇيىمداستىرىلادى.

ارحەولوگيالىق جۇمىستاردى زاڭسىز جۇرگىزۋ دەرەگى بويىنشا قر قىلمىستىق كودەكسىنىڭ 295-بابى 2-بولىگىنىڭ 1 جانە 3-تارماقتارى نەگىزىندە قىلمىستىق ءىس قوزعالعان. اتالعان نورما ادامدار توبىنىڭ الدىن الا ءسوز بايلاسۋى ارقىلى، سونداي-اق ارنايى تەحنيكالىق قۇرالدار مەن جەر قازۋ ماشينالارىن پايدالانىپ، ارحەولوگيالىق جۇمىستاردى زاڭسىز جۇرگىزگەنى ءۇشىن جاۋاپكەرشىلىك قاراستىرادى.

پىكىرلەر