فوتو: wikipedia
بۇگىن، 20 قاراشادا قازاقستاننىڭ 10 قالاسىندا اۋانىڭ لاستانۋ دەڭگەيى ارتادى دەپ كۇتىلەدى. بۇل تۋرالى “قازگيدرومەت” جاريالادى, دەپ حابارلايدى “ادىرنا”.
"قازگيدرومەتتىڭ" مالىمەتىنشە، 20 قاراشادا كوكشەتاۋ، پاۆلودار، استانا، الماتى، جەزقازعان، تەمىرتاۋ، قاراعاندى، تالدىقورعان، وسكەمەن جانە ريددەر قالالارىندا قولايسىز مەتەورولوگيالىق جاعداي قالىپتاسادى.
قولايسىز مەتەورولوگيالىق جاعداي – جەلسىز تىمىق اۋا رايى، ءالسىز جەل، تۇمان جانە تەمپەراتۋرالىق ينۆەرسيا سياقتى قىسقا مەرزىمدى اۋا رايى فاكتورلارىنىڭ ۇيلەسۋى. مۇنداي كەزدە اۋانى لاستايتىن زياندى زاتتار اتموسفەرانىڭ جەرگە جاقىن قاباتىندا جينالادى.
سونداي-اق "قازگيدرومەت" رمك ماماندارى ەلىمىزدىڭ 17 وبلىسىندا كۇن رايىنىڭ بۇزىلۋىنا بايلانىستى داۋىلدى ەسكەرتۋ جاريالادى.
ۇقساس جاڭالىقتار
