الماتىعا 13,5 مىڭ ليتر سىرا رەسەيدەن زاڭسىز جەتكىزىلگەن. بۇل تۋرالى مەملەكەتتىك كىرىستەر كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
مكك الماتى قالاسى بويىنشا دەپارتامەنتى رەسەي فەدەراتسياسىنان 13,5 مىڭ ليتر الكوگول ءونىمىن (سىرانى) زاڭسىز اكەلۋ مەن ساقتاۋ دەرەگىن انىقتادى. ونىڭ ىشىندە 10 مىڭ 830 ليتر ىشىمدىك پلاستيكالىق كونتەينەردە ساقتالعان. بۇعان قازاقستان زاڭىندا تىيىم سالىنعان. سوندىقتان ءىس قۇقىق قورعاۋ ورگاندارىنا جىبەرىلگەن.
“تەكسەرىس كەزىندە كونترافاكتىلىك الكوگول ونىمدەرىن وندىرەتىن تسەح انىقتالدى. وندا ارنايى قۇرىلعى مەن سپيرت ارقىلى ءتۇرلى ىشىمدىك دايىندالعان. الكوگول ونىمدەرىنىڭ كولەڭكەلى اينالىمى مەملەكەتكە عانا زيان كەلتىرىپ قويماي، حالىقتىڭ دەنساۋلىعىنا دا ايتارلىقتاي سالدارىن تيگىزەدى”، دەپ جازىلعان حابارلامادا.
”ادىرنا” ۇلتتىق پورتالى
