نازارباەۆ ۋنيۆەرسيتەتىنىڭ ادينا ەسىمدى ستۋدەنتى ۋنيۆەرسيتەت قابىرعاسىندا قىزدار زورلىققا ۇشىرايتىنىن ايتىپ، الەۋمەتتىك جەلىگە ۇندەۋ جاريالادى. الايدا بۇل تۋرالى ەشكىمگە ايتا المايدى. ستۋدەنت وزىنە دە ازعىندىق جاساماق بولعانىن، مۇنداي ارەكەتكە باراتىندار اراسىندا پروفەسسورلار مەن وقىتۋشىلاردىڭ دا بولۋى مۇمكىن مالىمدەدى. بۇل تۋرالى ول TikTok جەلىسىنە جاريالادى، دەپ حابارلايدى “ادىرنا” ۇلتتىق پورتالى.
ستۋدەنتتىڭ ايتۋىنشا، ۋنيۆەرسيتەتتە قۇربىسىن زورلاعان ەر ادام ەكىنشى قۇربىسىن دا جىنىستىق قاتىناسقا تۇسۋگە كوندىرمەك بولىپتى.
"زورلاعان ادامدى ۋنيۆەرسيتەتتە كوپشىلىگى تانيدى. ءتىپتى ءبىر كلۋبتىڭ پرەزيدەنتى دە بولعان. ال ەكىنشى قۇربىما ءبىر كورگەندە جاعىمدى ەر ادام الىمساقتىق جاساعان. تاعى ءبىر جاعدايدا مەن ەكى قىزبەن جاسىرىن تۇردە جۇمىس ىستەدىم. ول ەكەۋىن ءبىر ادام زورلاعان، ال ءۇشىنشىسى ونىڭ قۇربانى بولا جازدادى", – دەدى ول.
ونىڭ سوزىنشە، قىزداردى زورلاۋ دەرەگىنە ەشكىمنىڭ سەنگىسى كەلمەيدى. سەبەبى زورلىق كورسەتكەندەر ءوز ورتاسىندا تانىمال ءارى ءبىر كورگەندە مومىن بولىپ كورىنەدى دەيدى.
"زورلانعان قىزداردىڭ ءبىرى ەشكىمگە ايتپاستان ۋنيۆەرسيتەتتەن كەتىپ قالدى. ويتكەنى ەشتەڭە ايتا المادى، ايتسا بارلىعى ءوزىن كىنالايتىن ەدى، دوستارى ارالسپاي كەتەدى. سولاي بولدى دا. ءوزىن زورلاعان ادامنىڭ كەسىرىنەن وقۋدان كەتتى، ۋنيۆەرسيتەتتە ەشكىممەن ارالاسپايدى. وزگە قىزدار مۇنى پسيحولوگيالىق تۇرعىدان كوتەرە المادى. بالكىم وقىپ جۇرگەن شىعار، بالكىم كەتىپ قالعان شىعار", – دەپ قوستى ستۋدەنت.
ستۋدەنت مۇنداي جاعداي ءوزىنىڭ دە باسىنان وتكەنىن مالىمدەدى.
"ماعان جانە 16 جاستاعى قىزعا زەرتحانادا جۇمىس ىستەيتىن ستافف ازعىندىق جاساماق بولدى. پروفەسسور دا، وزگە قىزمەتكەر دە مۇنداي ارەكەتكە بارا الادى", – دەيدى قىز.
ۆيدەوعا قاتىستى پىكىر بىلدىرگەن پوليتسيا دەپارتامەنتى تەكسەرىس جۇرەتىنىن مالىمدەدى. قازىر ءىس نۇر-سۇلتانداعى ەسىل اۋدانىنىڭ پوليتسيا باسقارماسىندا تىركەلگەن، قىزمەتكەرلەر تەكسەرىس جۇرگىزىپ جاتىر.
“ادىرنا” ۇلتتىق پورتالى
