مەملەكەت باسشىسىنىڭ توراعالىعىمەن اقوردادا قاۋىپسىزدىك كەڭەسىنىڭ وتىرىسى ءوتىپ، قارۋدى ءوندىرۋ مەن ساتىپ الۋ، سونداي-اق وسى سالاداعى ەكسپورتتىق باقىلاۋ ماسەلەلەرى قاراستىرىلدى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
قاۋىپسىزدىك كەڭەسىنىڭ توراعاسى پرەمەر-ءمينيستردىڭ ءبىرىنشى ورىنباسارى رومان سكلياردىڭ، يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆتىڭ جانە قورعانىس ءمينيسترى رۋسلان جاقسىلىقوۆتىڭ باياندامالارىن تىڭدادى.قاسىم-جومارت توقاەۆ مەملەكەتتىك ورگاندارعا ءتيىستى تاپسىرمالار بەردى.
