الماتىدا ۇلتتىق ۇلان ساربازى ءوزىن-ءوزى اتىپ تاستادى، دەپ حابارلايدى «ادىرنا» ءتىلشىسى.
«22 تامىز كۇنى ساعات 15.15-تەر شاماسىندا قىزمەتتىك مىندەتىن ورىنداۋ كەزىندە كەلىسىم شارت بويىنشا 2001 جىلى تۋعان اسكەري قىزمەتشى سابىروۆ ابىلاي بەرىكۇلى 3650 اسكەري بولىمىندە الماتى قالاسىندا وزىنە بەكىتىلگەن تاپانشامەن ءوزىن-ءوزى اتىپ، العان جاراقاتىنىڭ ناتيجەسىندە قايتىس بولدى. قۇقىق قورعاۋ ورگاندارى قاجەتتى تەرگەۋ ارەكەتتەرىن جۇرگىزۋدە. بولعان وقيعانىڭ سەبەپتەرى مەن ءمان-جايلارىن انىقتاۋ ءۇشىن قىزمەتتىك تەرگەۋ تاعايىندالدى. قازاقستان رەسپۋبليكاسى ۇلتتىق ۇلانىنىڭ باس قولباسشىلىعى مەن "وڭتۇستىك" وڭىرلىك قولباسشىلىعى اسكەري قىزمەتشى ابىلاي سابىروۆتىڭ تۋعان-تۋىستارى مەن جاقىندارىنا قايعىرىپ كوڭىل ايتادى»،— دەپ ءتۇسىندىردى قر ۇلتتىق ۇلانى «وڭتۇستىك» وڭىرلىك قولباسشىلىعىنىڭ ءباسپاسوز قىزمەتى.
