Almatyda ūlttyq ūlan sarbazy özın-özı atyp tastady, dep habarlaidy «Adyrna» tılşısı.
«22 tamyz künı saǧat 15.15-ter şamasynda qyzmettık mındetın oryndau kezınde kelısım şart boiynşa 2001 jyly tuǧan äskeri qyzmetşı Sabyrov Abylai Berıkūly 3650 äskeri bölımınde Almaty qalasynda özıne bekıtılgen tapanşamen özın-özı atyp, alǧan jaraqatynyŋ nätijesınde qaitys boldy. Qūqyq qorǧau organdary qajettı tergeu äreketterın jürgızude. Bolǧan oqiǧanyŋ sebepterı men män-jailaryn anyqtau üşın qyzmettık tergeu taǧaiyndaldy. Qazaqstan Respublikasy Ūlttyq ūlanynyŋ Bas qolbasşylyǧy men "Oŋtüstık" öŋırlık qolbasşylyǧy äskeri qyzmetşı Abylai Sabyrovtyŋ tuǧan-tuystary men jaqyndaryna qaiǧyryp köŋıl aitady»,— dep tüsındırdı QR Ūlttyq ūlany «Oŋtüstık» Öŋırlık qolbasşylyǧynyŋ baspasöz qyzmetı.
