مەدياتسيا - قازاقستان حالقى اسسامبلەياسى قىزمەتىنىڭ باسىم باعىتتارىنىڭ ءبىرى. جامبىل وبلىسى اكىمدىگىنىڭ ءىسب «قوعامدىق كەلىسىم» كمم مەدياتسيا كابينەتى تاراپتار قاقتىعىسىنىڭ دەڭگەيىن تومەندەتۋ ماسەلەسى بويىنشا قازاقستان رەسپۋبليكاسىندا قوعامدىق كەلىسىم مەن جالپىۇلتتىق بىرلىكتى قامتاماسىز ەتۋمەن بايلانىستى قىزمەتى قحا قوعامدىق قۇرىلىمدارىن جانە مۇددەلى ۋاكىلەتتى تۇلعالاردى شوعىرلاندىرۋ بويىنشا جۇمىس جۇرگىزۋدە.
2022 جىلدىڭ 5 تامىزىندا تاراز قالاسىنىڭ دوستىق ۇيىندە وتكەن "قازاقستان حالقى اسسامبلەياسى مەدياتسيا كابينەتىنىڭ اشىق ەسىك كۇنى" رەسپۋبليكالىق اكتسياسىنا سۋديالار، ىشكى ىستەر، ادىلەت جانە ادۆوكاتۋرا ورگاندارىنىڭ قىزمەتكەرلەرى، كاسىبي جانە كاسىبي ەمەس مەدياتورلار، ەتنومادەني بىرلەستىكتەردىڭ، اقساقالدار كەڭەسىنىڭ، قوعامدىق كەلىسىم، انالار كەڭەستەرىنىڭ وكىلدەرى، جامبىل وبلىسىنىڭ قحا جانە وڭىرلىك ارداگەرلەر كەڭەسى جانىنداعى بيلەر جانە باق تىلشىلەرى بەلسەندى قاتىستى.
العى سوزىمەن جامبىل وبلىسى اكىمدىگىنىڭ ءىسب «قوعامدىق كەلىسىم» كمم باسشىسى پاريدا مامەدوۆا ءسوز سويلەدى: - مەدياتورلار - ساياسي ەتنيكالىق ورتادا ەشقانداي سوگىس پەن جانجالعا جول بەرمەيتىن، كەرىسىنشە داۋ-دامايدى بولدىرماۋ جانە ادىلەتتى تۇردە شەشەتىن، ەڭ باستىسى – ادامداردىڭ ماسەلەلەرىن قابىلداي الاتىن كەلىسسوز جۇرگىزە الۋشىلار. ەتنيكالىق قاقتىعىستاردى توقتاتۋ وتە قيىن ەكەنىن ءبارىمىز بىلەمىز. مىنە، وسى قۇبىلىستىڭ الدىن الۋ ءۇشىن ءبىز سىزدەرمەن بىرگەمىز، مەدياتور جولداستار! سوندىقتان، ۇنەمى بىرگە جۇمىس ىستەۋگە دايىنبىز.
ودان ءارى جامبىل وبلىستىق سوتىنىڭ قىلمىستىق ىستەر جونىندەگى سۋدياسى ءلاززات رامازانوۆا "قىلمىستىق سوت ءىسىن جۇرگىزۋدەگى زاڭنامانى جەتىلدىرۋ" تاقىرىبىندا بايانداما جاسادى. ول جازالانۋشىنى مەرزىمىنەن بۇرىن شارتتى تۇردە بوساتۋ تۋرالى زاڭنامانى جەتىلدىرۋگە جانە ونى قولدانۋ تاجىريبەسىندە مەدياتسيانى قولدانۋعا توقتالدى. ونىڭ ءسوز سويلەۋى سلايد كورسەتىلىمىمەن سۇيەمەلدەندى.
جامبىل وبلىستىق سوتىنىڭ سۋدياسى عالىم كۇلەكەەۆ تە ەلىمىزدە جۇرگىزىلىپ جاتقان اكىمشىلىك ادىلەت جۇمىسى، رەفورمالار تۋرالى بىلاي دەدى: -قر-دا جۇرگىزىلىپ جاتقان اكىمشىلىك رەفورمانىڭ ماقساتى - مەملەكەتتىك باسقارۋدىڭ تيىمدىلىگىن ارتتىرۋ عانا ەمەس، قازىرگى ۋاقىتتا بيلىكتىڭ الەۋمەتتىك سۇرانىستاردى بارابار جانە ۋاقتىلى شەشۋ قابىلەتى ماڭىزدى.
جامبىل وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ سۋدياسى تاحمينا سۇلتانوۆا ءوز سوزىندە "وتباسىلىق داۋلارداعى مەدياتسيا" تاقىرىبىن اشىپ، كەلىسىم جاساۋ كەزىندەگى بۇزۋشىلىقتارعا ەگجەي-تەگجەيلى توقتالدى. سونداي-اق، سپيكەر يۋۆەنالدى سوت پەن قحا قۇرىلىمدارى اراسىنداعى ناتيجەلى ىنتىماقتاستىقتى اتاپ ءوتىپ، قىلمىس جاساعان جاسوسپىرىمدەردى وڭالتۋعا ەتنومادەني بىرلەستىكتەر تارتىلعانىن اتاپ ءوتتى.
جامبىل وبلىسى ارداگەرلەر كەڭەسى جانىنداعى بيلەر كەڭەسىنىڭ توراعاسى ەسىركەپوۆ وڭلاسىن قارابايۇلى جانجالداردى شەشۋگە بەلسەندى قاتىسىپ، مەدياتورلارمەن بىرگە حالىق اراسىندا داۋلاردى بەيبىت جولمەن شەشۋدىڭ مۇمكىندىكتەرى مەن جاعىمدى جاقتارىن بەلسەندى ناسيحاتتاپ جۇرگەن بيلەردىڭ جۇمىسى تۋرالى ايتىپ بەردى.
ءىس-شارانىڭ مودەراتورى، جامبىل وبلىسى اكىمدىگىنىڭ ءىسب "قوعامدىق كەلىسىم" كمم مەدياتسيا كابينەتىنىڭ مەڭگەرۋشىسى ۆالەنتينا دوسىبيەۆا قاتىسۋشىلاردى مەدياتسيا كابينەتىنىڭ قىزمەتىمەن تانىستىردى. سپيكەر ەتنومەدياتسيانىڭ وزەكتىلىگىنە باسا نازار اۋدارىپ، بۇل رەتتە العاشقى قادامدار جاسالعانىن اتاپ ءوتتى: – "ەتنوسارالىق جانجالدار جانە ولاردىڭ الدىن الۋ", "داعدارىستىق جانە قاقتىعىستىق جاعدايلارعا ارەكەت ەتۋ الگوريتمى" سەمينار-ترەنينگتەرى وتكىزىلدى، وعان مەملەكەتتىك قىزمەتشىلەر، كۇش قۇرىلىمدارىنىڭ، ءبىلىم بەرۋ سالاسىنىڭ وكىلدەرى قاتىستى. العان بازالىق ءبىلىم ەتنوسارالىق قاتىناستاردى ۇيلەستىرۋگە باعىتتالادى جانە جانجالدار تۋىنداعان جاعدايدا ولاردى شەشۋ ءۇشىن پايدالانىلاتىن بولادى دەپ ۇمىتتەنەمىز. ۆالەنتينا دوسىبيەۆا قاتىسۋشىلاردى مەدياتسيا ينستيتۋتىن دامىتۋ بويىنشا جۇمىستىڭ جاڭا ادىستەرى بويىنشا ۇسىنىستار جوباسىمەن تانىستىردى.
ءىس-شارا مەدياتورلار ءوز تاجىريبەسىندە كەزدەسەتىن پروبلەمالىق ماسەلەلەردى ايتقان ديالوگ الاڭىمەن اياقتالدى. بارلىق قىزىقتىرعان سۇراقتارعا سۋديالار مەن قۇقىق قورعاۋ ورگاندارىنىڭ وكىلدەرى تولىق، قۇزىرەتتى جاۋاپتار مەن كەڭەستەر بەردى.
