قر تۇڭعىش پرەزيدەنتىنىڭ قورى نۇرسۇلتان نازارباەۆ تۋرالى فيلم ءتۇسىرۋ ءۇشىن 7 ميلليون دوللار تولەگەن. بۇل تۋرالى PROTENGE Telegram ارناسى جاريالادى، دەپ حابارلايدى “ادىرنا” ۇلتتىق پورتالى.
“قور تۇڭعىش پرەزيدەنتىمىز تۋرالى فيلم ءتۇسىرۋ ءۇشىن 7 ميلليون دوللار تولەدى. 2021 جىلى جارىققا شىققان "Qazaq. التىن ادام تاريحى" ءفيلمىن اتىشۋلى وليۆەر ستوۋن تۇسىرگەن. كەلىسىمشارت سوماسىن جۋرناليست ميحايل كوزاچكوۆ جاريا ەتتى", - دەلىنگەن حابارلامادا.
وسى قاراجاتقا قاتىستى اۋقىمدى زەرتتەۋ قاڭتار ايىندا جاريالانعان بولاتىن. قوردىڭ قايىرىمدىلىقتان بولەك، ميللياردتاعان دوللاردى قۇرايتىن اكتيۆتەردى باسقاراتىنى اتاپ ءوتىلدى.
"بۇعان دەيىن قازاقمىستىڭ نازارباەۆتىڭ قاراجاتىنا 79,4 ملرد تەڭگەنى اۋدارعانى بەلگىلى بولعان ەدى. ال بۇل كورسەتكىش تەك سوڭعى ءتورت جىلدا عانا. قازاقمىس 2018 جىلدان 2020 جىلعا دەيىن قاراجاتتى وسى قورعا اۋدارىپ وتىرعان. الايدا، 2021 جىلى ول ءوز قىزمەتىن توقتاتقاننان كەيىن ونىڭ ورنىن باسقا سالىمشىلار باسقان. دەگەنمەن بۇل تۋرالى اقپارات جاسىرىلعان", - دەلىنگەن حابارلامادا.
