QR tuńǵysh prezıdentiniń qory Nursultan Nazarbaev týraly fılm túsirý úshin 7 mıllıon dollar tólegen. Bul týraly PROTENGE Telegram arnasy jarııalady, dep habarlaıdy “Adyrna” ulttyq portaly.
“Qor tuńǵysh prezıdentimiz týraly fılm túsirý úshin 7 mıllıon dollar tóledi. 2021 jyly jaryqqa shyqqan "Qazaq. Altyn adam tarıhy" fılmin atyshýly Olıver Stoýn túsirgen. Kelisimshart somasyn jýrnalıst Mıhaıl Kozachkov jarııa etti", - delingen habarlamada.
Osy qarajatqa qatysty aýqymdy zertteý qańtar aıynda jarııalanǵan bolatyn. Qordyń qaıyrymdylyqtan bólek, mıllıardtaǵan dollardy quraıtyn aktıvterdi basqaratyny atap ótildi.
"Buǵan deıin Qazaqmystyń Nazarbaevtyń qarajatyna 79,4 mlrd teńgeni aýdarǵany belgili bolǵan edi. Al bul kórsetkish tek sońǵy tórt jylda ǵana. Qazaqmys 2018 jyldan 2020 jylǵa deıin qarajatty osy qorǵa aýdaryp otyrǵan. Alaıda, 2021 jyly ol óz qyzmetin toqtatqannan keıin onyń ornyn basqa salymshylar basqan. Degenmen bul týraly aqparat jasyrylǵan", - delingen habarlamada.
