كونستيتۋتسياعا ەنگىزىلگەن وزگەرىستەرگە سايكەس، قازاقستاننىڭ تۇڭعىش پرەزيدەنتى نۇرسۇلتان نازارباەۆ سايلاۋعا قاتىسا المايدى. بۇل تۋرالى بۇگىن ادىلەت ۆيتسە-ءمينيسترى الما مۇقانوۆا ايتتى، دەپ حابارلايدى “ادىرنا” ۇلتتىق پورتالى.
«رەسپۋبليكالىق رەفەرەندۋمدا قابىلدانعان تۇزەتۋلەرگە سايكەس، بۇل نورما كونستيتۋتسيادان الىنىپ تاستالدى. وندا تۇڭعىش پرەزيدەنتكە ەكى رەتتەن ارتىق سايلاۋعا قاتىسۋ تۋرالى نورما قولدانىلمايتىن. بۇل نورما الىنىپ تاستالدى»، - دەدى ءمينيستردىڭ ورىنباسارى.
سونداي-اق، الما مۇقانوۆادان جۋرناليستەر «دەمەك، كەزەكتەن تىس وتەتىن پرەزيدەنت سايلاۋىنا قازاقستاننىڭ تۇڭعىش پرەزيدەنتى نۇرسۇلتان نازارباەۆ قاتىسا المايدى عوي؟» دەپ سۇرادى.
«ءيا، ءتيىستى نورما كونستيتۋتسيادان الىنىپ تاستالدى»، - دەدى ۆيتسە-مينيستر.
“ادىرنا” ۇلتتىق پورتالى
