جامبىل اۋدانى ۇزىناعاش اۋىلدىق وكرۋگىنىڭ اكىمى بەيسەنبەكوۆ باقىت رىسكەلدىۇلى وڭىرلىك كونكۋرستىق كوميسسيانىڭ شەشىمىمەن الماتى وبلىسىنداعى «ۇزدىك اۋىل اكىمى» اتاندى. ول بايقاۋدا بەس اۋىلدىڭ اكىمىنەن ۇزدىك بوپ شىققان.
ەستەرىڭىزگە سالا كەتەيىك، «ۇزدىك اۋىل اكىمى» رەسپۋبليكالىق بايقاۋىنىڭ ماقساتى جۇمىستا جوعارى پراكتيكالىق ناتيجەلەرگە قول جەتكىزگەن، اۋىلدىق ەلدى مەكەندەردىڭ دامۋىنا ەلەۋلى ۇلەس قوسقان ۇزدىك اۋىل اكىمدەرىن انىقتاۋ جانە ماراپاتتاۋ.
باقىت رىسكەلدىۇلىنىڭ ايتۋىنشا، 2010 جىلى ەڭبەك جولى كىندىك قانى تامعان جەردەن اۋىل اكىمى بولىپ باستاعان. 2021 جىلدىڭ ءساۋىر ايىندا ۇزىناعاش اۋىلدىق وكرۋگىنىڭ اكىمى بوپ سايلاندى.
ايتا كەتەرلىگى اۋىلدىق وكرۋگتە جەرگىلىكتى حالىقتىڭ ءال-اۋقاتىن، ماتەريالدىق جاعدايىن، حالىقتىڭ الەۋمەتتىك قورعالۋىن جاقسارتۋعا باعىتتالعان اۋقىمدى جۇمىستار جۇرگىزىلۋدە.
«اۋىلدا 2,5 مىڭ تۇرعىن بولعانىمەن، جۇمىس كولەمى ءى 55 مىڭعا جۋىق ادام تۇراتىن اۋىلدىق وكرۋگتەرمەن بىردەي. بۇگىندە وڭىردە تۇرعىنداردى ۇيمەن قامتاماسىز ەتۋ بماقساتىندا جۇمىستار جۇرگىزىلۋدە، اۋىلدىق وكرۋگتە كوپپاتەرلى ۇيلەردىڭ قۇرىلىسى ءجۇرىپ جاتىر. التى بەس قاباتتى ۇيلەردىڭ قۇرىلىسى اياقتالۋعا جاقىن جانە ءۇش بەس قاباتتى ۇيلەرگە ارنالعان قازانشۇڭقىرلار سالىنۋدا. سونداي-اق، ۇزىناعاش اۋىلدىق وكرۋگىنىڭ ۇلكەن پروبلەماسى 1970 جىلى سالىنىپ، 90 پايىزى توزىعى جەكتەن كارىز جۇيەلەرىنىڭ ماسەلەسى دە باستى نازاردا. سونىمەن قاتار، ءۇش اۋىسىمدى مەكتەپتەردى بولدىرماۋ ءۇشىن جۇيەلى جۇمىس جۇرگىزىلىپ جاتىر. قازىر 1500 ورىندىق مەكتەپ سالىنىپ جاتىر، 2023 جىلى پايدالانۋعا بەرىلەدى دەپ كۇتىلۋدە. ۇزىناعاش اۋىلىندا بارلىعى 8 مەكتەپ بار، ولار 120% - عا جۇكتەلگەن، سوندىقتان 600 ورىندىق ءبىر مەكتەپتى سالۋ جوسپاردا با»، - دەپ اتاپ ءوتتى اۋىل اكىمى.
اكىم ۇزىناعاش اۋىلىنىڭ تۇرعىندارىن كارىز جەلىسىمەن قامتاماسىز ەتۋگە ەرەكشە كوڭىل ءبولىپ وتىر. ايتا كەتەرلىگى كارىز جەلىلەرىنىڭ جالپى ۇزىندىعى 21,8 شاقىرىم، سۇزگى الاڭىنىڭ اۋدانى 14 گا. اۋىلدا 2021 جىلدان باستاپ، كارىز جۇيەلەرىن قايتا قۇرۋ جانە سالۋ جوباسى دايىندالۋدا. بۇگىندە ساراپتاماعا بەرىلىپ، جوبا قۇنى شامامەن 7 ملرد تەڭگەگە جەتكەن. اياسىندا اۋدانى 130 گا ءسۇزۋ الاڭدارى جانە ۇزىندىعى 81 شاقىرىم كارىز جەلىسى سالىنباق. جاڭا كارىز جۇيەسى 100 بيۋدجەتتىك جانە اكىمشىلىك عيمارات پەن جەكە قوسالقى شارۋاشىلىقتىڭ 5 مىڭ اۋلاسىنا قىزمەت كورسەتۋگە ەسەپتەلگەن. 10 مىڭنان استام ءۇي كارىز جەلىسىمەن قامتىلادى دەپ كۇتىلۋدە.
سونداي-اق، اۋىلدىق وكرۋگتى سۋمەن جابدىقتاۋدىڭ ءۇشىنشى كەزەگى اياقتالعان. 2024 جىلعا قاراي اۋىل 100 پروتسەنت تازا اۋىز سۋمەن قامتىلماق تۇرعىنداردىڭ ماتەريالدىق ءال-اۋقاتىن جاقسارتۋ بويىنشا جۇمىستار بەلسەندى جالعاسۋدا. الداعى ۋاقىتتا كوشە جارىعىن قايتا قۇرۋ، جاڭا قۇرىلىستاردى تولىق ەلەكترلەندىرۋ، ساياباقتى قايتا قۇرۋ سىندى باسقا دا جۇمىستار اتقارىلماق.
