Jambyl audany Ūzynaǧaş auyldyq okrugınıŋ äkımı Beisenbekov Baqyt Ryskeldıūly öŋırlık konkurstyq komissiianyŋ şeşımımen Almaty oblysyndaǧy «Üzdık auyl äkımı» atandy. Ol baiqauda bes auyldyŋ äkımınen üzdık bop şyqqan.
Esterıŋızge sala keteiık, «Üzdık auyl äkımı» respublikalyq baiqauynyŋ maqsaty jūmysta joǧary praktikalyq nätijelerge qol jetkızgen, auyldyq eldı mekenderdıŋ damuyna eleulı üles qosqan üzdık auyl äkımderın anyqtau jäne marapattau.
Baqyt Ryskeldıūlynyŋ aituynşa, 2010 jyly eŋbek joly kındık qany tamǧan jerden auyl äkımı bolyp bastaǧan. 2021 jyldyŋ säuır aiynda Ūzynaǧaş auyldyq okrugınıŋ äkımı bop sailandy.
Aita keterlıgı auyldyq okrugte jergılıktı halyqtyŋ äl-auqatyn, materialdyq jaǧdaiyn, halyqtyŋ äleumettık qorǧaluyn jaqsartuǧa baǧyttalǧan auqymdy jūmystar jürgızılude.
«Auylda 2,5 myŋ tūrǧyn bolǧanymen, jūmys kölemı ı 55 myŋǧa juyq adam tūratyn auyldyq okrugtermen bırdei. Bügınde öŋırde tūrǧyndardy üimen qamtamasyz etu bmaqsatynda jūmystar jürgızılude, auyldyq okrugte köppäterlı üilerdıŋ qūrylysy jürıp jatyr. Alty bes qabatty üilerdıŋ qūrylysy aiaqtaluǧa jaqyn jäne üş bes qabatty üilerge arnalǧan qazanşūŋqyrlar salynuda. Sondai-aq, Ūzynaǧaş auyldyq okrugınıŋ ülken problemasy 1970 jyly salynyp, 90 paiyzy tozyǧy jekten kärız jüielerınıŋ mäselesı de basty nazarda. Sonymen qatar, üş auysymdy mektepterdı boldyrmau üşın jüielı jūmys jürgızılıp jatyr. Qazır 1500 oryndyq mektep salynyp jatyr, 2023 jyly paidalanuǧa berıledı dep kütılude. Ūzynaǧaş auylynda barlyǧy 8 mektep bar, olar 120% - ǧa jüktelgen, sondyqtan 600 oryndyq bır mekteptı salu josparda ba», - dep atap öttı auyl äkımı.Äkım Ūzynaǧaş auylynyŋ tūrǧyndaryn kärız jelısımen qamtamasyz etuge erekşe köŋıl bölıp otyr. Aita keterlıgı kärız jelılerınıŋ jalpy ūzyndyǧy 21,8 şaqyrym, süzgı alaŋynyŋ audany 14 ga. Auylda 2021 jyldan bastap, kärız jüielerın qaita qūru jäne salu jobasy daiyndaluda. Bügınde saraptamaǧa berılıp, joba qūny şamamen 7 mlrd teŋgege jetken. Aiasynda audany 130 ga süzu alaŋdary jäne ūzyndyǧy 81 şaqyrym kärız jelısı salynbaq. Jaŋa kärız jüiesı 100 biudjettık jäne äkımşılık ǧimarat pen jeke qosalqy şaruaşylyqtyŋ 5 myŋ aulasyna qyzmet körsetuge eseptelgen. 10 myŋnan astam üi kärız jelısımen qamtylady dep kütılude. Sondai-aq, auyldyq okrugtı sumen jabdyqtaudyŋ üşınşı kezegı aiaqtalǧan. 2024 jylǧa qarai auyl 100 prosent taza auyz sumen qamtylmaq Tūrǧyndardyŋ materialdyq äl-auqatyn jaqsartu boiynşa jūmystar belsendı jalǧasuda. Aldaǧy uaqytta köşe jaryǧyn qaita qūru, jaŋa qūrylystardy tolyq elektrlendıru, saiabaqty qaita qūru syndy basqa da jūmystar atqarylmaq.
