توقاەۆ نيۋ-يورككە جۇمىس ساپارىمەن كەلدى

652

توقاەۆ بۇۇ باس اسسامبلەياسىنىڭ 77-سەسسياسىنا قاتىسۋ ءۇشىن نيۋ-يورككە جۇمىس ساپارىمەن كەلدى، دەپ جازادى "ادىرنا" ۇلتتىق پورتالى. بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى 19 قىركۇيەكتە JPMorgan Chase & Co, Citi, Goldman Sachs, NASDAQ سەكىلدى جاھاندىق قارجى ينستيتۋتتارىنىڭ باسشىلارىمەن كەزدەسۋ وتكىزەدى.

سونىمەن قاتار قاسىم-جومارت توقاەۆ Boeing, ExxonMobil, General Electrics, Wabtec, Microsoft سياقتى ترانسۇلتتىق كومپانيالاردىڭ جەتەكشىلەرىمەن، سونداي-اق ساراپشىلار توبىنىڭ وكىلدەرىمەن كەزدەسەدى.

«20 قىركۇيەكتە پرەزيدەنت بۇۇ باس اسسامبلەياسىنىڭ جالپى دەباتىندا ءسوز سويلەيدى»، - دەلىنگەن حابارلامادا.

بۇدان بولەك، بۇۇ باس حاتشىسىمەن، ەۋروپالىق وداق باسشىلىعىمەن جانە بىرقاتار مەملەكەت باسشىلارىمەن ولاردىڭ ءوتىنىشى بويىنشا كەزدەسۋلەر وتكىزۋ جوسپارلانىپ وتىر.

قاسىم-جومارت توقاەۆ ازىق-تۇلىك قاۋىپسىزدىگى جونىندەگى جاھاندىق سامميتكە دە قاتىسادى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket