ارمەنيادا ودكب قاتارىنان شىعۋدى تالاپ ەتكەندەر باس كوتەردى

1544
Adyrna.kz Telegram

ارمەنيانىڭ استاناسى ەرەۆاندا ودكب قاتارىنان شىعۋدى تالاپ ەتكەن بەلسەندىلەر باس كوتەردى. ميتينگتى "ۇلتتىق دەموكراتيالىق پوليۋس" جانە "ەۋروپالىق" پارتياسى ۇيىمداستىرعان. ۇيىمداستىرۋشىلار ەل ازاماتتارىن جاپپاي ميتينگكە شىعۋعا ۇگىتتەۋدە، دەپ حابارلايدى "ادىرنا" ۇلتتىق پورتالى.

ارمەنيا رەسپۋبليكاسى، ۇلتتىق قاۋىپسىزدىك كوميتەتىنىڭ حاتشىسى ارمەن گريگوريان ""ازاتۋتيۋن" راديوسىنا بەرگەن سۇحباتىندا وزدەرىنىڭ ودكب-عا ارقا سۇيەگەنىن، الايدا سەنىمنىڭ ەش اقتالماعانىن جەتكىزدى. ودكب-نى ازەربايجان اسكەرىن ارمەنيانىڭ زاڭدى تەرريتورياسىنان شىعارىپ، تۇتاستىعىن قورعاماعانى ءۇشىن ايىپتادى.

ميتينگتى ۇيىمداستىرۋشىلار ودكب قاتارىنان شىعىپ، ۇلتتىق قاۋىپسىزدىكتەرىن كۇشەيتۋ ماقساتىندا باسقا ۇيىم قۇرۋ قاجەت دەپ سانايدى.

 

پىكىرلەر