«Nur-Er» ات سپورتى تۋريستىك ورتالىعى اشىلدى

1431
Adyrna.kz Telegram

ورالدا «قالا كۇنىنە» وراي «Nur-Er» ات سپورتى تۋريستىك ورتالىعى اشىلدى.
زاشاعان كەنتىنە قاراستى جاقسى اۋىل اۋدانىندا ورنالاسقان كەشەندە جابىق مانەج جانە كافە ورنالاسقان، اۋماعى ەكى مىڭ شارشى مەتردى قۇرايدى.

– حالقىمىز ەجەلدەن جىلقىنى ەرەكشە قاستەرلەگەن. ونىڭ بولمىسىنداعى بارشا قاسيەتىن جاقسى تانىپ، زەردەلەدى. بۇل ورتالىق وڭىردە ات سپورتىن دامىتۋعا ۇلكەن مۇمكىندىك بەرەدى. اتقا مىنگەن قازاق بالالارىنىڭ دەنساۋلىعى مىقتى، شىمىر بولارى ءسوزسىز، – دەدى نىساننىڭ اشىلۋىنا ارنايى قاتىسقان قالا اكىمى ميرجان ساتقانوۆ.

ورال قالالىق دەنە شىنىقتىرۋ جانە سپورت ءبولىمىنىڭ باسشىسى ارتۋ شەرعاليەۆتىڭ ايتۋىنشا، شاھار بالالارىنىڭ بۇدان بىلاي وسى جەردە ۇلتتىق سپورتپەن اينالىسۋىنا تولىق جاعداي جاسالعان. جاسوسپىرىمدەردى ۇلتتىق ات سپورتىنا باۋلۋ، دەنە شىنىقتىرۋ جانە سپورتپەن جۇيەلى تۇردە اينالىسۋعا جاعداي جاساۋ، سپورت رەزەرۆىن جانە جوعارى دارەجەلى سپورتشىلاردى دايارلاۋ ماقسات تۇتقان ورتالىقتا ۇلتتىق سپورتتىڭ اۋدارىسپاق، كوكپار، جامبى اتۋ، تەڭگە ءىلۋ تۇرلەرىنەن جاتتىعۋ جۇمىستارى جۇرگىزىلەدى.

ات سپورتى ورتالىعىنىڭ قۇرىلتايشىسى نۇربولات يسماعۇلوۆ كەلەر جىلى قوناق ءۇي كەشەنەنىن سالۋدى جوسپارلاپ وتىرعانىن جاسىرمادى.

– ازىرگە مەيرامحانا جۇمىسىن باستادى. قىستا تۇرعىندار شاڭعى تەۋىپ، قاردا جۇرەتىن كولىكتەرمەن سەرۋەندەي الادى. مۇندا ەرەكشە بالالارعا ارنالعان يپپوتەراپيا ساعاتتارىن وتكىزۋ،تۇرعىندارعا اتپەن سەرۋەندەۋگە مۇمكىندىك بار، – دەيدى ول.

مۇنداعى ۇيىرمەگە 9-16 جاس ارالىعىندارى ۇل-قىزدار قابىلدانادى. اتالمىش ۇيىرمەدە 100 جاسوسپىرىمگە جاتتىعۋعا مۇمكىندىك بار. سونداي-اق، 16-17 قىركۇيەك كۇندەرى «قالا كۇنى» وراي اتالمىش كەنتتە «دالا قىزىقتارى» ۇيىمداستىرىلىپ، كوكپار مەن تەڭگە ىلۋدەن جارىس ءوتتى. كيىز ۇيلەر بايقاۋى مەن وبلىس اۋداندارىنان كەلگەن ارتىستەردىڭ كونتسەرتى كوپشىلىك نازارىنا ۇسىنىلدى. جەڭىمپازداردى شاھار باسشىسى ماراپاتتاپ، ەستەلىك سىيلىقتار تابىس ەتتى.

پىكىرلەر