Oralda «Qala künıne» orai «Nur-Er» at sporty turistık ortalyǧy aşyldy.
Zaşaǧan kentıne qarasty Jaqsy auyl audanynda ornalasqan keşende jabyq manej jäne kafe ornalasqan, aumaǧy ekı myŋ şarşy metrdı qūraidy.
– Halqymyz ejelden jylqyny erekşe qasterlegen. Onyŋ bolmysyndaǧy barşa qasietın jaqsy tanyp, zerdeledı. Būl ortalyq öŋırde at sportyn damytuǧa ülken mümkındık beredı. Atqa mıngen qazaq balalarynyŋ densaulyǧy myqty, şymyr bolary sözsız, – dedı nysannyŋ aşyluyna arnaiy qatysqan qala äkımı Mirjan Satqanov.Oral qalalyq dene şynyqtyru jäne sport bölımınıŋ basşysy Artu şerǧalievtyŋ aituynşa, şahar balalarynyŋ būdan bylai osy jerde ūlttyq sportpen ainalysuyna tolyq jaǧdai jasalǧan. Jasöspırımderdı ūlttyq at sportyna baulu, dene şynyqtyru jäne sportpen jüielı türde ainalysuǧa jaǧdai jasau, sport rezervın jäne joǧary därejelı sportşylardy daiarlau maqsat tūtqan ortalyqta ūlttyq sporttyŋ audaryspaq, kökpar, jamby atu, teŋge ılu türlerınen jattyǧu jūmystary jürgızıledı. At sporty ortalyǧynyŋ qūryltaişysy Nūrbolat İsmaǧūlov keler jyly qonaq üi keşenenın saludy josparlap otyrǧanyn jasyrmady.
– Äzırge meiramhana jūmysyn bastady. Qysta tūrǧyndar şaŋǧy teuıp, qarda jüretın kölıktermen seruendei alady. Mūnda erekşe balalarǧa arnalǧan ippoterapiia saǧattaryn ötkızu,tūrǧyndarǧa atpen seruendeuge mümkındık bar, – deidı ol.Mūndaǧy üiırmege 9-16 jas aralyǧyndary ūl-qyzdar qabyldanady. Atalmyş üiırmede 100 jasöspırımge jattyǧuǧa mümkındık bar. Sondai-aq, 16-17 qyrküiek künderı «Qala künı» orai atalmyş kentte «Dala qyzyqtary» ūiymdastyrylyp, kökpar men teŋge ıluden jarys öttı. Kiız üiler baiqauy men oblys audandarynan kelgen ärtısterdıŋ konsertı köpşılık nazaryna ūsynyldy. Jeŋımpazdardy şahar basşysy marapattap, estelık syilyqtar tabys ettı.
