قازاقستاننىڭ بارلىق قالالارىندا – سونىڭ ىشىندە ورال قالاسىندا «قازيتۋ» عىلىمي-ءبىلىم كەشەنىنىڭ «ستۋدەنتتەر سارايىندا» «حالىق زاڭگەرى» جالپى رەسپۋبليكالىق ناۋقانى ءوتتى. الەۋمەتتىك اكتسيا اياسىندا قازاقستاننىڭ ەڭ ۇزدىك زاڭگەرلەرى مەن ادۆوكاتتارى حالىقتىڭ زاڭ، قۇقىق توڭىرەگىندە تۋىنداعان بارلىق سۇراقتارىنا جاۋاپ بەرىپ، شەشىلمەگەن داۋلار بويىنشا تەگىن كەڭەس بەردى.
بىلتىرعى جىلدان ايىرماشىلىعى، بيىل ەلىمىزدىڭ ءىرى قالالارىمەن قاتار، شاعىن ەلدى مەكەندەرى دە «حالىق زاڭگەرى» ناۋقانىنا قاتىستى، بۇل كوپتەگەن ازاماتتارعا بىلىكتى زاڭ كومەگىن الۋعا مۇمكىندىك بەرىپ وتىر.
شارانىڭ ماقساتى – حالىقتىڭ قۇقىقتىق ساۋاتتىلىعىن ارتتىرۋ.
ورال قالاسىندا ۇيىمداستىرىلعان ناۋقانعا بقو ادۆوكاتتار القاسىنىڭ، زاڭ كومپانيالارىنىڭ، بقو پالاتاسىنىڭ بەلگىلى زاڭگەرلەرى مەن ادۆوكاتتارى، نوتاريۋستارى جانە پروكۋرورلار، تەرگەۋشىلەر، سوت ورىنداۋشىلارى، پوليتسيا قىزمەتكەرلەرى، ادىلەت، كوشى-قون پوليتسياسى، جىلجىمايتىن مۇلىكتى تىركەۋ بولىمدەرى، مەملەكەتتىك ورگانداردىڭ باسشىلارى قاتىستى. سىبايلاس جەمقورلىققا قارسى قىزمەتىنىڭ بقو بويىنشا دەپارتامەنتىنىڭ پرەۆەنتسيا باسقارماسىنىڭ باسشىسى ءبىرجان ءحايرۋلليننىڭ ايتۋىنشا، بۇل قوعامداعى وزەكتى ماسەلەنى شەشۋ ماقساتىندا ازاماتتاردىڭ قۇقىقتىق ساۋاتتىلىعىن كوتەرۋ جانە ءبىر زاڭگەرمەن عانا ەمەس وزگە دە زاڭ وكىلدەرىنەن، مەملەكەتتىك ورگان قىزمەتكەرلەرىنەن ءبىر مەزگىلدە تولىققاندى كەڭەس الۋعا، الىنعان جاۋاپتارىنىڭ دۇرىستىعىنا كوز جەتكىزۋگە مۇمكىندىك بەرگەن شارا بولدى.
مەملەكەت باسشىسى ق.توقاەۆ ءاربىر مەملەكەتتىك قىزمەتشىنىڭ حالىققا قىزمەت ەتىپ، ابىرويلى ەڭبەگىمەن سەنىمدى ارتتىرۋ ماقساتىندا، قوعامداعى وزەكتى ماسەلەلەردىڭ تەز ارادا شەشىلۋىنە بارىنشا قولداۋ كورسەتۋ قاجەتتىلىگىن اتاپ وتكەن بولاتىن.
اتالعان شارادا دەنساۋلىق، جەر، تۇرعىن ءۇي، كاسىپكەرلىك، جول-كولىك وقيعاسى ماسەلەلەرى بويىنشا سۇراقتار قويىلىپ، تيىسىنشە جاۋاپتار بەرىلدى.
