«Halyq zańgeri» quqyqtyq kómek berdi

1360
Adyrna.kz Telegram

Qazaqstannyń barlyq qalalarynda – sonyń ishinde Oral qalasynda «QazIITÝ» ǵylymı-bilim kesheniniń «Stýdentter saraıynda» «Halyq zańgeri» jalpy respýblıkalyq naýqany ótti. Áleýmettik akııa aıasynda Qazaqstannyń eń úzdik zańgerleri men advokattary halyqtyń zań, quqyq tóńireginde týyndaǵan barlyq suraqtaryna jaýap berip, sheshilmegen daýlar boıynsha tegin keńes berdi.

Byltyrǵy jyldan aıyrmashylyǵy, bıyl elimizdiń iri qalalarymen qatar, shaǵyn eldi mekenderi de «Halyq zańgeri» naýqanyna qatysty, bul kóptegen azamattarǵa bilikti zań kómegin alýǵa múmkindik berip otyr.
Sharanyń maqsaty – halyqtyń quqyqtyq saýattylyǵyn arttyrý.

Oral qalasynda uıymdastyrylǵan naýqanǵa BQO advokattar alqasynyń, zań kompanııalarynyń, BQO palatasynyń belgili zańgerleri men advokattary, notarıýstary jáne prokýrorlar, tergeýshiler, sot oryndaýshylary, polıııa qyzmetkerleri, ádilet, kóshi-qon polıııasy, jyljymaıtyn múlikti tirkeý bólimderi, memlekettik organdardyń basshylary qatysty. Sybaılas jemqorlyqqa qarsy qyzmetiniń BQO boıynsha departamentiniń Prevenııa basqarmasynyń basshysy Birjan Haırýllınniń aıtýynsha, bul qoǵamdaǵy ózekti máseleni sheshý maqsatynda azamattardyń quqyqtyq saýattylyǵyn kóterý jáne bir zańgermen ǵana emes ózge de zań ókilderinen, memlekettik organ qyzmetkerlerinen bir mezgilde tolyqqandy keńes alýǵa, alynǵan jaýaptarynyń durystyǵyna kóz jetkizýge múmkindik bergen shara boldy.

Memleket basshysy Q.Toqaev árbir memlekettik qyzmetshiniń halyqqa qyzmet etip, abyroıly eńbegimen senimdi arttyrý maqsatynda, qoǵamdaǵy ózekti máselelerdiń tez arada sheshilýine barynsha qoldaý kórsetý qajettiligin atap ótken bolatyn.

Atalǵan sharada densaýlyq, jer, turǵyn úı, kásipkerlik, jol-kólik oqıǵasy máseleleri boıynsha suraqtar qoıylyp, tıisinshe jaýaptar berildi.

Pikirler