پرەزيدەنت سايلاۋى ءبىرشاما جاڭاشىلدىق اكەلەدى. ونى باتىل ىسكە اسىرۋىمىز كەرەك. بۇل تۋرالى قازاقستاندىق قوعامدىق دامۋ ينستيتۋتىنىڭ ساراپشىسى جۇماعۇلوۆ ەلدوس تاڭىربەرگەنۇلى “ادىرنا” ۇلتتىق پورتالىنا ايتىپ بەردى.
“جاريالانعان پرەزيدەنت سايلاۋى “جاڭا قازاقستان” جاعدايىندا العاش رەت وتەيىن دەپ وتىر. جاڭا تالاپتارمەن 7 جىلعا پرەزيدەنتتى سايلايمىز. سوندىقتان باستى جاڭاشىلدىقتىڭ ءبىرى - وسى.
ارينە، ءبىر سايلاۋمەن دەموكراتيانى ورناتۋ قيىن. دەموكراتيا ازاماتتىق قوعامنىڭ قالىپتاسۋى، زاڭداردىڭ وزگەرىستەر ارقىلى كەلەتىنى بەلگىلى. ەندى ۇلكەن قادامدار جاسالىپ جاتقاندىقتان، وسى وزگەرىستەر جولىنداعى دەموكراتيالىق وزگەرىستەر ول بىزگە باسقا ەلگە ەلىكتەۋ ءۇشىن ەمەس، بىرەۋگە ۇناۋ ءۇشىن ەمەس، سول زاماننىڭ تالابى، حالىقتىڭ بيلىگى ءۇشىن قاجەت. دەگەنمەن، قوعامدا مىناداي سۇرانىس بار. ول - سايلاۋدىڭ ءادىل ءوتۋى، اشىق ءوتۋى. وسى سۇرانىستارعا سايكەس كەلسە، ءبىز وندا دەموكراتيالىق ءوتتى دەپ ايتا الامىز”،- دەدى ول.
تاريحشى جاڭا رەفورمالاردى باتىل ىسكە اسىرۋىمىز كەرەك ەكەنىن دە باسا ايتىپ ءوتتى
“پرەزيدەنت سايلاۋىن توقاەۆ نەگە قويىپ وتىر؟ بىرىنشىدەن، ەلىمىزدە ءبىراز وزگەرىستەر بولدى. جاڭا رەفورمالاردىڭ باسى ايتىلدى. پرەزيدەنتتىڭ قۇزىرەتتەرى شەكتەلىپ جاتىر. وسى جاعدايدا مىنانداي سۇراق تۋادى: “وسى رەفورمالاردى حالىق قولداپ جاتىر ما؟”. سول سايلاۋدا حالىق وسى رەفورمالاردى ارى قاراي كورگىمىز كەلەدى، وسى “جاڭا قازاقستاندا” ءومىر سۇرگىمىز كەلەدى” دەسە وندا بەلگىلى بولادى. ارى قاراي باتىل تۇردە وسى ويعا العان رەفورمالاردى ىسكە اسىرۋىمىز كەرەك. پرەزيدەنت جاڭا مانداتىنا يە بولعان سوڭ، ودان ءارى پارلامەنتتىڭ جاڭا ەرەجەلەرى مەن قالىپتاساتىن ماجوريتارلىق پروپورتسيونال جۇيە، ماسليحاتتارقالىپتاسادى. وسى ارقىلى بۇكىل جۇيەنىڭ باستاۋى دەيتىنىمىز سول. ارينە جاڭا ايتقان رەفورمالاردى باتىل ىسكە اسىرۋ كەرەك. سوندا عانا جاڭارۋ مەن جاڭعىرۋ پرەزيدەنت سايلاۋىنان باستالاتىنىن كورەمىز.
الداعى بولاتىن ءبىزدىڭ ەلدىڭ دامۋ جولىنداعى ەكونوميكالىق، ساياسي، الەۋمەتتىك جاعدايلاردى ارتتىرۋعا بۇل سايلاۋدىڭ ىقپالى زور”،- دەدى ەلدوس تاڭىربەرگەنۇلى.
”ادىرنا” ۇلتتىق پورتالى
